യുവയുടെ പിറന്നാളിന് മൃദുലയുടെ വക സമ്മാനമായി വാച്ച്, വില കണ്ട് അമ്പരന്ന് ആരാധകര്‍

മിനിസ്‌ക്രീന്‍ പ്രേക്ഷകരുടെ പ്രിയ താര ദമ്പതികളാണ് യുവകൃഷ്ണയും മൃദുല വിജയിയും. അടുത്തിടെയാണ് ഇരുവരും വിവാഹിതര്‍ ആയത്. വിവാഹത്തിന്റെ ചിത്രങ്ങളും വീഡിയോകളുമെല്ലാം സോഷ്യല്‍ മീഡിയകളില്‍ വൈറലായി മാറിയിരുന്നു. ഇപ്പോള്‍ യുവയ്ക്ക് പിറന്നാള്‍ ദിനത്തില്‍ സര്‍പ്രൈസ് സമ്മാനം നല്‍കിയിരിക്കുകയാണ് മൃദുല. ഒരു വാച്ചാണ് നടി തന്റെ പ്രിയതമന് നല്‍കിയത്.

ബ്‌ളാക്ക് ആന്‍ഡ് ബ്ലൂ കളറിലുള്ള ഫോസില്‍ ബ്രാന്‍ഡിന്റെ ഒരു അടിപൊളി വാച്ച് ആണ് മൃദുല യുവയ്ക്ക് ജന്മദിനത്തിന് സമ്മാനമായി നല്‍കിയത്. ഇത് കയ്യില്‍ അണിഞ്ഞ ചിത്രങ്ങള്‍ യുവ പങ്കുവെച്ചിരുന്നു. ഇതിന് പിന്നാലെ വാച്ചിന്റെ വിലയാണ് ആരാധകര്‍ തിരഞ്ഞത്. വില അറിഞ്ഞതും ഞെട്ടിയിരിക്കുകയാണ് ഏവരും. ഏകദേശം 122.34 ഡോളര്‍ ആണ് വാച്ചിന്റെ വിലയെന്നാണ് ഗൂഗിള്‍ പറയുന്നത്.

കഴിഞ്ഞ വര്‍ഷം ഡിസംബറില്‍ വിവാഹ നിശ്ചയം കഴിഞ്ഞ യുവയും മൃദുലയും കഴിഞ്ഞ ജൂലൈയിലാണ് വിവാഹിതര്‍ ആയത്. കോവിഡും ലോക്ക്ഡൗണും ഒക്കെ ആയതിനാല്‍ ലളിതമായി രീതിയാണ് വിവാഹം നടത്തിയത്. ഇരുവരുടെയും പ്രണയ വിവാഹം ആയിരുന്നില്ല. നടി രേഖയാണ് ഇരുവരുടെയും വിവാഹത്തിന് ചുക്കാന്‍ പിടിച്ചത്.

സിമ്പിള്‍ മേക്കപ്പിലും കുറച്ച് മാത്രം ആഭരണങ്ങളും അണിഞ്ഞാണ് മൃദുല വിവാഹത്തിന് എത്തിയത്. കസ്റ്റമൈസ്ഡ് വെഡ്ഡിങ് ബ്ലൗസിലും സെറ്റ് സാരിയിലും അതീവ സുന്ദരിയായാണ് മൃദുല എത്തിയത്. സ്വര്‍ണനൂലുകള്‍ കൊണ്ട് തങ്ങളുടെ പേരും ഒപ്പം വരണമാല്യം ചാര്‍ത്തുന്നതും ബ്ലൗസില്‍ ചേര്‍ത്തിരുന്നു. കല്യാണത്തിനോടനുബന്ധിച്ച് നടന്ന ചടങ്ങുകളിലും വളരെ കുറച്ച് പേര്‍ മാത്രമായിരുന്നു പങ്കെടുത്തത്.