കൊച്ചി: ഏറെക്കാലമായി കേരളതീരങ്ങളില് ക്ഷാമം നേരിട്ടിരുന്ന മത്തി, കാലാവസ്ഥ അനുകൂലമായതോടെ ചെറിയ തോതില് പ്രത്യക്ഷപ്പെട്ടു തുടങ്ങി. തെക്കന് കേരളത്തിന്റെ വിവിധ തീരങ്ങളിലാണ് ചെറുമത്തികള് കണ്ടുതുടങ്ങിയത്. എന്നാല്, ഇവ പിടിക്കുന്നതില് കരുതല് വേണമെന്ന് കേന്ദ്ര സമുദ്രമത്സ്യ ഗവേഷണ സ്ഥാപനം (സി.എം.എഫ്.ആര്.ഐ) മുന്നറിയിപ്പ് നല്കുന്നു.
കഴിഞ്ഞ ദിവസങ്ങളില് പിടിക്കപ്പെട്ട മത്തിയുടെ വളര്ച്ച പരിശോധിച്ചപ്പോള് ഇവ പ്രത്യുല്പാദന ഘട്ടത്തിലെത്തിയിട്ടില്ലെന്ന് സി.എം.എഫ്.ആര്.ഐ ഗവേഷകര് കണ്ടെത്തി. 14-16 സെ.മീ വലിപ്പമുള്ള ഇവ പൂര്ണ പ്രത്യുല്പ്പാദനത്തിന് സജ്ജമാകാന് ഇനിയും മൂന്ന് മാസം വേണ്ടിവരുമെന്നാണ് വിലയിരുത്തല്. മാത്രമല്ല, മുട്ടയിടാന് പാകമായ വലിയ മത്തികള് നിലവില് കേരള തീരങ്ങളില് കുറവാണെന്നും പഠനം വ്യക്തമാക്കുന്നു. നിയമാനുസൃതമായി പിടിക്കാവുന്ന മത്തിയുടെ വലിപ്പം (എം.എല്.എസ്) 10 സെ.മീ ആണെങ്കിലും പ്രതികൂലവും അസാധാരണവുമായ നിലവിലെ സാഹചര്യം പരിഗണിച്ച്? ഇപ്പോള് ലഭ്യമായ മത്തിയെ പിടിക്കാതിരിക്കുന്നതാണ് അഭികാമ്യമെന്ന് ഈ മേഖലയില് പഠനം നടത്തുന്ന പ്രിന്സിപ്പല് സയന്റിസ്റ്റ് ഡോ. ഇ.എം. അബ്ദുസ്സമദ് പറഞ്ഞു.
കഴിഞ്ഞ അഞ്ചുവര്ഷമായി കേരള തീരങ്ങളില് മത്തിയുടെ ക്ഷാമമുണ്ട്. 2017ല് ലഭ്യത ചെറിയ തോതില് ഉയര്ന്നുവെങ്കിലും പിന്നീടുള്ള വര്ഷങ്ങളില് ഗണ്യമായി കുറയുകയാണുണ്ടായത്. 2019ല് മത്തിയുടെ ലഭ്യത കഴിഞ്ഞ 20 വര്ഷത്തിനിടെയുണ്ടായ ഏറ്റവും താഴ്ന്ന നിലയിലേക്ക് കൂപ്പുകുത്തി. വെറും 44,320 ടണ് മത്തി മാത്രമാണ് കഴിഞ്ഞ വര്ഷം സംസ്ഥാനത്ത് ലഭിച്ചത്. എല്നിനോ പ്രതിഭാസവുമായി ബന്ധപ്പെട്ട കടലിലെ കാലാവസ്ഥ മാറ്റങ്ങളാണ് മത്തിയുടെ ലഭ്യതയിലെ ഏറ്റക്കുറച്ചിലുകള്ക്ക് കാരണമെന്ന് സി.എം.എഫ്.ആര്.ഐ നേരത്തെ കണ്ടെത്തിയിരുന്നു.
ഇപ്പോള് കാണുന്നതരം ചെറിയ മത്തികളെ പിടിക്കുന്നതില് നിയന്ത്രണം ഏര്പ്പെടുത്തിയാല് മത്തിയുടെ തിരിച്ചുവരവ് പരമാവധി വേഗത്തിലാക്കാമെന്ന് വിദഗ്ധര് ചൂണ്ടിക്കാട്ടുന്നു. ഈ നിര്ദേശം ഫിഷറീസ് മന്ത്രി ജെ. മെഴ്സിക്കുട്ടിയമ്മയുടെ ശ്രദ്ധയില് പെടുത്തിയുട്ടുണ്ടെന്ന് സി.എം.എഫ്.ആര്.ഐ ഡയറക്ടര് ഡോ. എ. ഗോപാലകൃഷ്ണന് അറിയിച്ചു.
റഫയിൽ പെരുനാൾ കലക്കി ഇസ്രായേൽ. ഒക്ടോബർ 7ന്റെ സാബത്ത് മുടക്കിയതിനു അതേ നാണയത്തിൽ തിരിച്ചടി നൽകി ജൂതപ്പട. ബലിപ്പെരുന്നാൾ ദിനത്തിൽ…
തൃശൂർ : അർമേനിയയിൽ മലയാളി യുവാവിനെ ബന്ദിയാക്കിയതായി വിവരം. വിഷ്ണുവിനെ തോക്കു ചൂണ്ടി ഭീഷണിപ്പെടുത്തുന്നത് അർമേനിയൻ സ്വദേശികൾ വിഡിയോ കോളിലൂടെ…
അമ്മയുടെ ഇഷ്ടമല്ലേ,മക്കളെ ഏത് രീതിയിൽ വളർത്തണമെന്നത്..എന്ന് ചോദിച്ചാൽ തെറ്റി. അമ്മയാണേലും സ്വന്തം കുട്ടിയെ ഇഷ്ടം പോലെ വളർത്താൻ ആകില്ല.ഒന്നരവയസുകാരിയെ പുകവലിപ്പിച്ച്…
കശ്മീർ : ജമ്മു കശ്മീരിൽ ഭീകരനെ വധിച്ച് സൈന്യം. ഞായറാഴ്ച രാത്രി ആരംഭിച്ച ഏറ്റുമുട്ടൽ തിങ്കളാഴ്ചയും തുടരുകയാണ്. ഡ്രോണ് ദൃശ്യങ്ങളിലൂടെയാണു…
ന്യൂഡല്ഹി : കോണ്ഗ്രസ് നേതാവ് രാഹുല് ഗാന്ധി വയനാട് എം.പി. സ്ഥാനം രാജിവെച്ച് റായ്ബറേലിയില് തുടരും. പകരം പ്രിയങ്കാ ഗാന്ധി…
ന്യൂഡല്ഹി : കോണ്ഗ്രസ് നേതാവ് കൊടിക്കുന്നില് സുരേഷിനെ ലോക്സഭയുടെ പ്രോ ടേം സ്പീക്കറായി തിരഞ്ഞെടുത്തു. മാവേലിക്കര മണ്ഡലത്തിലെ നിയുക്ത എംപിയായ…