ആ ഗള്‍ഫ് ട്രിപ്പിന് നയന്‍താര വരില്ലെന്ന് പറഞ്ഞു, കാരണം മറ്റു നായികമാര്‍, മുകേഷ് പറയുന്നു

മലയാളികളുടെ പ്രിയപ്പെട്ട നടനാണ് മുകേഷ്. ഇപ്പോള്‍ നയന്‍താരയ്ക്ക് ഒപ്പമുള്ള അനുഭവം പങ്കുവെച്ച് രംഗത്ത് എത്തിയിരിക്കുകയാണ് മുകേഷ്. മലയാള സിനിമ താരങ്ങള്‍ക്ക് ഒപ്പമുള്ള ഗള്‍ഫ് ട്രിപ്പിന് വരുന്നതിന് തയ്യാറാകാഞ്ഞതിനെ കുറിച്ചാണ് മുകേഷ് പറയുന്നത്.

മലയാളത്തിലെ താരങ്ങള്‍ ചേര്‍ന്ന് ട്രിപ്പിന് പോകാനായി നിന്നപ്പോള്‍ നയന്‍താരയും വേണമെന്ന് സംഘാടകര്‍ ആവശ്യപ്പെടുകയായിരുന്നു. നയന്‍താരയെ വിളിക്കാന്‍ സംഘാടകര്‍ ഏര്‍പ്പാടാക്കിയത് തന്നെ ആയിരുന്നു. ഇതോടെ നടിയെ ഫോണില്‍ വിളിച്ച് കാര്യം അറിയിച്ചു. എന്നാല്‍ ലിസ്റ്റിലുള്ള നായികമാരെല്ലാം വലിയ ഡാന്‍സേഴ്‌സ് ആണെന്നും തനിക്ക് അത്തരത്തില്‍ ഡാന്‍സ് കളിക്കാന്‍ അറിയാത്തതു കൊണ്ട് വരില്ലെന്നുമാണ് നയന്‍താര പറഞ്ഞതെന്നും മുകേഷ് പറയുന്നു.

എന്നാല്‍ പിന്നീട് നയന്‍താരയുടെ ഉയര്‍ച്ചയാണ് താന്‍ കണ്ടത്. വിസ്മയത്തുമ്പത്ത് ചിത്രത്തിന്റെ ഷൂട്ട് കഴിഞ്ഞ് തിരിച്ചു പോവുമ്പോള്‍ നയന്‍താര തന്നോട് പറഞ്ഞു, ‘ചേട്ടാ എനിക്ക് ഇനിയൊരു സിനിമയൊക്കെ കിട്ടാന്‍ പാടായിരിക്കും’ എന്നാണ്. ഒരിക്കലും അങ്ങനെ പറയരുത്, നിന്റെ കണ്ണുകളില്‍ ആത്മവിശ്വാസമുണ്ട് എന്നാണ് താന്‍ നയന്‍താരക്ക് മറുപടി കൊടുത്തത് എന്നും മുകേഷ് പറഞ്ഞു.