സമ്പന്നനായ ഇന്ത്യക്കാരൻ, ഹുറൂൺ ഇന്ത്യ റിച്ച് ലിസ്റ്റിൽ ഗൗതം അദാനിയെ പിന്തള്ളി മുകേഷ് അംബാനി ഒന്നാമതെത്തി

അദാനി ഗ്രൂപ്പിന്റെ ഗൗതം അദാനിയെ പിന്തള്ളി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി ഏറ്റവും സമ്പന്നനായ ഇന്ത്യക്കാരനായി , ഹുറൂൺ ഇന്ത്യ റിച്ച് ലിസ്റ്റ് 2023 ചൊവ്വാഴ്ച പുറത്തുവിട്ടു. ഹുറുൺ ഇന്ത്യയുടെ സമ്പന്നരുടെ പട്ടികയിലാണ് അംബാനി ഒന്നാമതെത്തിയത്.

8,08,700 ​കോടിയാണ് അംബാനിയുടെ ആകെ ആസ്തി. രണ്ട് ശതമാനം വർധനയാണ് കഴിഞ്ഞ വർഷവുമായി താരതമ്യം ചെയ്യുമ്പോൾ അംബാനിയുടെ സ്വത്തിൽ ഉണ്ടായത്. 4,74,800 കോടി ആസ്തിയുമായി ഗൗതം അദാനിയാണ് രണ്ടാമത്. അദാനിയുടെ സ്വത്തിൽ 57 ശതമാനത്തിന്റെ ഇടിവുണ്ടായി. ഹിൻഡൻബർഗ് റിസർച്ച് റിപ്പോർട്ടിനെ തുടർന്ന് അദാനി ഓഹരികൾക്ക് വൻ ഇടിവ് രേഖപ്പെടുത്തിയതാണ് തിരിച്ചടിക്കുള്ള കാരണം.

ജനുവരിയിൽ പ്രസിദ്ധീകരിച്ച ഹിൻഡൻബർഗ് റിപ്പോർട്ടാണ് അദാനിയുടെ സമ്പത്തിൽ ഇടിവുണ്ടാകാൻ കാരണമെന്ന് ഹുറൂണിലെ മാനേജിങ് ഡയറക്ടറും ചീഫ് ഗവേഷകനുമായ അനസ് റഹ്മാൻ ജുനൈദ് പറഞ്ഞു.

82കാരനായ സിറസ് പൂനെവാലെയാണ് മൂന്നാമത്. ​സിറം ഇൻസ്റ്റിറ്റ്യൂട്ടിന്റെ പ്രമോട്ടറായ പൂനെവാലയുടെ ആസ്തി 2,78,500 കോടിയാണ്. 36 ശതമാനം വർധനയാണ് രേഖപ്പെടുത്തിയത്. 2,28,900 കോടി ആസ്തിയോടെ ശിവ് നാടാറാണ് നാലാം സ്ഥാനത്ത്. ലണ്ടൻ വ്യവസായിയായ ഗോപിചന്ദ് ഹിന്ദുജ 1,76,500 കോടിയോടെ അഞ്ചാമതുണ്ട്. 1,64,300 കോടി ആസ്തിയോടെ സൺ ഫാർമസ്യൂട്ടിക്കൽ ചെയർമാൻ ദിലീപ് സാങ്‍വിയാണ് ആറാമത്.

ഇപ്പോൾ അഞ്ചാം സ്ഥാനത്തുള്ള ഗോപിചന്ദ് ഹിന്ദുജ, ദിലീപ് ഷാംഗ്‌വി (ആറാം), എൽഎൻ മിത്തൽ (ഏഴാം), കുമാർ മംഗളം (ഒമ്പതാം), നിരജ് ബജാജ് (പത്താം) എന്നിവരുൾപ്പെടെ ആദ്യ 10 പേരിൽ ഭൂരിഭാഗം വ്യക്തികളും റാങ്കിംഗിൽ ഉയർന്നു.

എന്നിരുന്നാലും, ഡി-മാർട്ടിന്റെ രാധാകിഷൻ ദമാനിയുടെ ആസ്തി 18 ശതമാനം ഇടിഞ്ഞ് 1.43 ലക്ഷം കോടി രൂപയായി. സോഹോയിലെ രാധ വെമ്പു ഫാൽഗുനി നായരെ പിന്തള്ളി സെപ്‌റ്റോയുടെ കൈവല്യ വോഹ്‌റയാണ് ഏറ്റവും സമ്പന്നയായ ഇന്ത്യൻ വനിത.