കണ്മണിക്ക് നാലാം പിറന്നാൾ, റിമിയുടെ വക സ്പെഷ്യൽ കേക്ക്

മുക്തയുടെയും റിങ്കു ടോമിയുടെയും മകൾ കണ്മണി എന്ന് വിളിക്കുന്ന കിയാരക്ക് ഇന്ന് നാലാം ജന്മദിനം. ഈ കുഞ്ഞു സുന്ദരിയുടേതായി പുറത്തിറങ്ങുന്ന പോസ്റ്റുകൾ ക്ഷണ നേരംകൊണ്ടാണ് വൈറലാകാറ്.മകൾക്ക് പിറന്നാൾ സമ്മാനമായി ഒരു നൃത്ത വീഡിയോ സമ്മാനിച്ചിരിക്കുകയാണ് മുക്ത. . ‘പെരുമഴക്കാലം’ എന്ന ചിത്രത്തിലെ ‘ചെന്താർമിഴി. പൂന്തേൻ മൊഴി, കണ്ണിനു കണ്ണാം എൻ കൺമണി..’ എന്ന പാട്ടിന് അനുസരിച്ച്‌ ചുവടുവെയ്ക്കുകയാണ് മുക്ത. അമ്മയ്ക്കൊപ്പം നൃത്തചുവടുകളുമായി കൺമണിയേയും കാണാം വീഡിയോയിൽ .

മുത്തുണിക്ക് ആശംസയുമായെത്തിയവകോട് നന്ദി പറഞ്ഞും മുക്ത എത്തിയിരുന്നു. വീട്ടിലേക്ക് കേക്കെത്തിച്ച് തന്നവരോട് നന്ദി പറഞ്ഞും മുക്ത എത്തിയിരുന്നു.

കൺമണിയ്ക്ക് പിറന്നാൾ ആശംസകൾ നേർന്ന് റിമി ടോമിയും സോഷ്യൽ മീഡിയയിലെത്തി. കൺമണിയ്ക്കായി സ്വന്തം കൈകൊണ്ട് ഒരു കേക്ക് ബേക്ക് ചെയ്യാൻ പറ്റിയ സന്തോഷം പങ്കുവയ്ക്കുകയാണ് റിമി.ഹാപ്പി ബർത്ത് ഡേ എന്റെ കൺമണിക്കുട്ടീ, കൊച്ചമ്മേടെ ഒരായിരം ചക്കരയുമ്മ, ഞാനുണ്ടാക്കിയ കേക്ക് ഇന്ന് കട്ട് ചെയ്യുമ്പോൾ അതിലേറെ സന്തോഷമെന്നുമായിരുന്നു റിമി ടോമി കുറിച്ചത്.

ഭാവന, മാളവിക വെയ്ൽസ്, ശിൽപബാല, പ്രിയങ്ക നായർ, സ്‌നേഹ ശ്രീകുമാർ, രഞ്ജിനി ജോസ്, തുടങ്ങിയവരെല്ലാം കൺമണിക്ക് ആശംസ നേർന്നിരുന്നു.

2015ലായിരുന്നു മുക്തയുടെയും റിങ്കുവിന്റെയും വിവാഹം. അടുത്തിടെ, അഞ്ച് വർഷങ്ങൾക്ക് മുൻപുള്ള തങ്ങളുടെ പെണ്ണുകാണൽ ചടങ്ങിന്റെ ചിത്രങ്ങളും ഓർമകളും മുക്ത പങ്കുവച്ചിരുന്നു.വിവാഹശേഷം അഭിനയത്തിൽ നിന്നും ബ്രേക്ക് എടുത്ത മുക്ത അടുത്തിടെ അഭിനയത്തിലേക്ക് തിരിച്ചെത്തിയിരുന്നു. സീരിയലിലൂടെയായിരുന്നു മുക്ത തിരിച്ചെത്തിയത്. കേരളം അടുത്തകാലത്ത് ഏറെ ചർച്ച ചെയ്ത കൂടത്തായി കഥ പറയുന്ന ‘കൂടത്തായി’ എന്ന സീരിയലിൽ ജോളി എന്ന കഥാപാത്രത്തെയാണ് മുക്ത അവതരിപ്പിച്ചത്.