കാലഘട്ടങ്ങളില്‍ നഷ്ടമായ സൗഹൃദങ്ങളുടെ കഥ പറയാന്‍ മുന്ന എത്തുന്നു,വീഡിയോ ഗാനം പുറത്ത് വിട്ടു

തീയേറ്റർ നാടകങ്ങളിലൂടെ ഒട്ടനവധി പുരസ്കാരങ്ങൾക്ക് അർഹനായ ശ്രീ സുരേന്ദ്രൻ കല്ലൂർ രചനയും സംവിധാനവും നിർവഹിച്ച് ചന്ദ്രോത്ത് വീട്ടിൽ ഫിലിംസ്ന്റെ ബാനറിൽ ദേവൻ നിർമ്മിക്കുന്ന ഒരു നല്ല കുടുംബ ചിത്രമാണ് മുന്ന. ഇന്നത്തെ കാലഘട്ടങ്ങളിൽ നമുക്ക് നഷ്ടമായ സൗഹൃദങ്ങളുടെ കഥ ഒരു ഗ്രാമത്തിന്റെ പശ്ചാത്തലത്തിൽ അതിമനോഹരമായി പറഞ്ഞു തുടങ്ങുന്ന മുന്നയിൽ ഉപ്പൂപ്പ എന്ന അതിശക്തമായ വേഷം കൈകാര്യം ചെയ്തിരിക്കുന്നത് ജഗദീഷ് ആണ്.

തന്റെ അഭിനയ ജീവിതത്തിൽ ഇതുവരെ നേരിടാത്ത ഒരു വേഷപ്പകർച്ചയിലാണ് ജഗദീഷ് മുന്നയിലൂടെ നമുക്ക് മുന്നിലേക്ക് എത്തുന്നത് ഇതിൽ മുന്ന എന്ന കഥാപാത്രമായി എത്തുന്നത് കിരൺകൃഷ്ണ എന്ന പുതുമുഖ താരമാണ് നായിക മിൽന ആന്റണി, ഇന്ദ്രൻസ് , ഹരീഷ് പേരടി, കിച്ചു ടെല്ലസ് , മാമുക്കോയ, തട്ടീം മുട്ടീം ഫെയിം ജയകുമാർ, അൻസിൽ റഹ്മാൻ തുടങ്ങിയ മുൻനിര താരങ്ങൾക്കൊപ്പം കണ്ണൂരിലെ സ്വന്തം കോമഡി താരങ്ങളും അമ്പതോളം പുതുമുഖങ്ങളും അണിനിരക്കുന്ന മുന്നയുടെ ചായാഗ്രഹണം നിർവഹിച്ചിരിക്കുന്നത് പ്രശാന്ത്പ്രണവം .
രമേശ് പുല്ലാപ്പള്ളി യുടെ രചനയിൽ വിനീത് ശ്രീനിവാസൻ , ഹരിചരൺ, മൃദുല വാര്യർ തുടങ്ങിയവർ ആലപിച്ച ഗാനങ്ങൾക്ക് ഈണം നൽകിയിരിക്കുന്നത് സിബു സുകുമാരൻ. പഴയകാലങ്ങളെ അവിസ്മരണീയം ആക്കും വിധം ഒരു ഗ്രാമം മുഴുവനായ് ഒരുക്കിയത് കലാസംവിധായകനായ ഉണ്ണി കുറ്റിപ്പുറമാണ്, മേക്കപ്പ് റഷീദ് അഹമ്മദ്, കോസ്റ്റ്യൂം ഹർഷ സഹദ്, കൊറിയോ ശ്രീജിത്ത്, സ്റ്റണ്ട് വിപിൻ ദ്രോണ, പ്രൊ.ഡിസൈനർ രാജീവ് മാനന്തവാടി, കൺട്രോളർ അമ്പിളി കോട്ടയം , പ്രൊഡക്ഷൻ എക്സികുട്ടീവ് ജോസ് താന്നിയ്ക്കൽ, ചീഫ് അസോസിയേറ്റ് ജയേന്ദ്ര ശർമ്മ , പി.ആർ. ഒ. കൃഷ്ണജി എം- ടെൽ, ഡിസൈൻ ആർട്ടോ കാർപസ്