മൂന്നാറിൽ കൈയ്യേറ്റം ഒഴിപ്പിക്കല്‍ തിങ്കളാഴ്ച മുതല്‍, പട്ടികയിലുള്ളത് സിപിഎം ഉന്നതരും

മൂന്നാര്‍ : സർക്കാർ ഭൂമി കൈയ്യേറി അനധികൃത നിർമ്മാണം നടത്തിയവരിൽ നിന്ന് ഭൂമി തിരികെ പിടിക്കാനുള്ള നടപടികൾ മൂന്നാറിൽ നിന്ന് തുടങ്ങും. പട്ടികയിലുള്ളത് സിപിഎം ഉന്നതരും ഉൾപ്പെടുന്നു എന്നതാണ് വാസ്തവം. മുന്‍ മന്ത്രി എംഎം മണിയുടെ സഹോദരന്‍ ലംബോധരന്റേതടക്കം നിരവധി നിര്‍മ്മാണങ്ങളാണുള്ളത്. നടപടികൾക്ക് ആരെങ്കിലും തടയിടുമോ എന്നതാണ് കാണേണ്ടത്.

മൂന്നാര്‍- അടിമാലി റൂട്ടിലെ ഇരുട്ടുകാനത്തുള്ള ദേശീയ പാതയോട് ചേര്‍ന്നുള്ള സംരഭകളടക്കമാണ് ഒഴിപ്പിക്കണമെന്ന് വ്യക്തമാക്കി റവന്യു വകുപ്പ് സര്‍ക്കാരിന് റിപ്പോര്‍ട്ട് നല്‍കിയത്. റവന്യു വകുപ്പിന്റെ എന്‍.ഒ.സി വാങ്ങാതെയും പുറമ്പോക്കും സര്‍ക്കാര്‍ ഭൂമിയും കൈയേറിയാണ് ലംബോദരന്റെ സംരംഭം തുടങ്ങിയത്.

സര്‍ക്കാര്‍ ഭൂമി കൈയേറിയാണ് മൂന്നാറിൽ റിസോര്‍ട്ടുകള്‍, റോപ് വേ, വാട്ടര്‍ തീം പാര്‍ക്കുകള്‍ അടക്കമുള്ളവ നിർമ്മിച്ചിരിക്കുന്നത്. എന്നാൽ പട്ടയഭൂമിയുടെ മുകളില്‍ക്കൂടിയുളള നിര്‍മാണം ഭൂപതിവ് ചട്ടങ്ങളുടെയും പട്ടയ വ്യവസ്ഥകളുടെയും ലംഘനമാണ്. പട്ടയം റദ്ദു ചെയ്ത് അനധികൃത നിര്‍മാണങ്ങള്‍ ഉടനടി നീക്കം ചെയ്യണം.

പദ്ധതിക്കായി ഭൂമിയിടിച്ച് റോഡുണ്ടാക്കിയതും നിയമവിരുദ്ധ പ്രവര്‍ത്തിയാണ്. ഇത് പഴയപടിയാക്കണം തുടങ്ങിയവയാണ് നിര്‍ദ്ദേശങ്ങള്‍. ഇവിടുത്തെ കൈയേറ്റാന്‍ ഒഴിപ്പാക്കാനെത്തുന്ന ദൗത്യ സംഘത്തിനെതിരെ നേരത്തെ എംഎം മണി വിമര്‍ശനം ഉയര്‍ത്തിയിരുന്നു.