ഇന്ധന വിലവര്‍ദ്ധനവിനെതിരെ മുരളി ഗോപി, പെട്രോളിനേക്കാള്‍ വെളിച്ചെണ്ണയ്ക്ക് വില കൂടുന്നുണ്ടെന്ന് കമന്റുകള്‍

പെട്രോള്‍ വില വര്‍ധനവിനെതിരെ നടനും തിരക്കഥാകൃത്തുമായ മുരളി ഗോപി രംഗത്ത്. ബൈക്ക് തലതിരിച്ച് പിടിച്ച് നൂല്‍ നൂല്‍ക്കുന്ന നരേന്ദ്ര മോദിയുടെ കാര്‍ട്ടൂണ്‍ ആണ് മുരളി ഗോപി സോഷ്യല്‍ മീഡിയകളില്‍ പങ്കുവെച്ചത്. ഭിത്തിയിലെ ഫോട്ടോയില്‍ ഗാന്ധിജി ഞെട്ടി നോക്കുന്നതും കാര്‍ട്ടൂണിലുണ്ട്. ചിരിക്കുന്ന ഒരു ഇമോജിക്ക് ഒപ്പമാണ് മുരളി ഗോപി കാര്‍ട്ടൂണ്‍ പങ്കുവെച്ചത്.

അതേസമയം നിരവധി കമന്റുകളാണ് മുരളി ഗോപിയുടെ പോസ്റ്റിന് ലഭിക്കുന്നത്. താരത്തെ എതിര്‍ത്തും അനുകൂലിച്ചും നിരവധി പേര്‍ രംഗത്ത് എത്തുന്നുണ്ട്. ‘നിനക്കൊക്കെ അഭിനയിച്ചു നടന്നാല്‍ പോരെ രാഷ്ട്രീയം പറഞ്ഞു ആളെ വെറുപ്പിക്കണോ?..’ എന്നാണ് ഒരു കമന്റ്. ‘നീ ഈ കളിയാക്കി പോസ്റ്റ് ഇട്ടത് ഇന്ത്യന്‍ പ്രധാന മന്ത്രിയെ ആണ്. പെട്രോളിന് വില കൂടിയതിനേക്കാള്‍ ഇവിടെ വെളിച്ചെണ്ണക്കു വില കൂടിയിട്ടുണ്ട്..’ എന്നും ചിലര്‍ കമന്റ് ചെയ്തിട്ടുണ്ട്.

‘മുരളി ഗോപിയും പൃഥ്വിരാജും എഫ്ബിയില്‍ സംഘികളെ ചൊറിഞ്ഞു സുഡാപ്പികളെയും കമ്മികളെയും സുഖിപ്പിക്കുമെങ്കിലും സിനിമയിലൂടെ അവറ്റകളെ നൈസായി ഊക്കി വിടും. അതിപ്പോള്‍ ലെഫ്റ്റ് റൈറ്റ് ലെഫ്റ്റ് ആണെങ്കിലും കുരുതി ആണെങ്കിലും വാരിയംകുന്നന്‍ ആണെങ്കിലും എല്ലാം അങ്ങനെ തന്നെ. നിങ്ങള്‍ക്ക് ഇതില്‍ നിന്ന് എന്ത് മനസുഖമാണ് ലഭിക്കുന്നത്. ആനി രാജ മൊഴിഞ്ഞതു പ്രകാരം കേരള പോലീസിലേതു പോലെ മലയാള സിനിമയിലും സംഘി ഗ്യാംഗ് ഉണ്ടോ’ എന്നാണ് മറ്റൊരു കമന്റ്.