അവിഹിത ബന്ധം കൊണ്ടാണ് എന്റെ അച്ഛനും അമ്മയും കണ്ടുമുട്ടിയത്, വിശ്വാസവഞ്ചന ഹ്യൂമന്‍ നേച്ചര്‍ ആണ് – ആലിയ

‘നെപ്പോ കിഡ്’ എന്ന പേരില്‍ ഒരുപാട് വിമര്‍ശനങ്ങള്‍ ഏറ്റുവാങ്ങേണ്ടി വന്ന താരമാണ് ആലിയ ഭട്ട്. ബോളിവുഡിലെ പ്രമുഖ സംവിധായകനും നിര്‍മ്മാതാവുമായ മഹേഷ് ഭട്ടിന്റെയും നടി സോണി റസ്ദാന്റെയും മകളാണ് ആലിയ ഭട്ട്. നെപ്പോട്ടിസത്തെ കുറിച്ചുള്ള ചര്‍ച്ചകള്‍ വന്നപ്പോഴൊക്കെ ഏറ്റവും കൂടുതൽ കടന്നാക്രമണങ്ങൾ നേരിട്ട താരമാണ് ആലിയ ഭട്ട്.

അത്യുഗ്രൻ അഭിനയ ശൈലികൊണ്ട് ആലിയ ആരാധക ഹൃദയങ്ങളിൽ നിറയുകയായിരുന്നു.ആലിയയുടെ പഴയൊരു അഭിമുഖമാണ് ഇപ്പോള്‍ എവിടെയും ചർച്ചയായിരിക്കുന്നത്, വിശ്വാസവഞ്ചനയുടെ ബാക്കിപത്രമാണ് തന്റെ മാതാപിതാക്കളുടെ വിവാഹമെന്നാണ് ആലിയ പറഞ്ഞിരിക്കുന്നത്.

എന്റെ അച്ഛനും അമ്മയും തമ്മില്‍ കണ്ടുമുട്ടിയത്, അവിഹിത ബന്ധമുണ്ടായത് കൊണ്ടാണ്. വിശ്വാസവഞ്ചനയെന്നല്ല മറിച്ച് അത് മനുഷ്യ ജീവിതത്തിന്റെ ഭാഗമായ ഒന്നാണ്. ജീവിതത്തില്‍ സംഭവിക്കുന്ന പല കാര്യങ്ങള്‍ക്ക് പിന്നിലും ഒരു കാരണമുണ്ടാകും. വിശ്വാസവഞ്ചന എന്നതിനുപരി അതൊരു ഹ്യൂമന്‍ നേച്ചറായിട്ടാണ് ഞാനതിനെ കാണുന്നത്. അങ്ങനെ ചിന്തിക്കുക അത്ര എളുപ്പമല്ല, പക്ഷെ അത് പ്രാധാന്യമുള്ളതുമാണ്.

വിശ്വാസവഞ്ചന ഇല്ലെന്നോ അതോ അങ്ങനെ ഉണ്ടാകാന്‍ പാടില്ലെന്നോ ആര്‍ക്കും പറയാനാകില്ല. അത് സംഭവിച്ചു കൊണ്ടിരിക്കും. മനസ്സിലാക്കി മുന്നോട്ടു പോകാന്‍ ശ്രമിക്കുക. വ്യത്യസ്തമായ ദിശയിലൂടെ കാര്യങ്ങളെ നോക്കി കണ്ടാല്‍ ഈ പ്രശ്‌നം മറികടക്കാനാകും. ആലിയ ദി ഏഷ്യന്‍ ഏജിന് നല്‍കിയ അഭിമുഖത്തിൽ നേരത്തെ പറഞ്ഞതാണിത്.