അന്ന്, ഇന്നായിരുന്നു ഞങ്ങടെ കല്യാണം, ചിത്രവുമായി നാദിർഷ

നാദിർഷയെ അറിയാത്ത മലയാളികളിന്നില്ല. ഇപ്പോൾ സംവിധായകനും എഴുത്തുകാരനും നടനുമാണ് നാദിർഷ.മിമിക്രി അവതരിപ്പിക്കുക മാത്രമല്ല,ഗംഭീരമായി പാടുകയും ചെയ്യും. പാരഡി ഗാനങ്ങളുടെ രാജകുമാരൻ എന്നാണ് നാദിർഷയെ അറിയപ്പെടുന്നതുപോലും. നാദിർഷായുടെ ജീവിത കഥ വളരെ കൗതുകകരമാണ്. കുടുംബം പോറ്റുന്നതിനു പതിനെട്ടാം വയസ്സിൽ പാറ പൊട്ടിക്കാൻ ഇറങ്ങിയ ആളാണ് നാദിർഷ. എട്ടാം ക്ലാസു വരെ വിക്കു കാരണം സംസാരിക്കാൻ ബുദ്ധിമുട്ടിയിരുന്നു ഈ മനുഷ്യൻ കോളജിലെത്തും വരെ പാട്ടു പോയിട്ടു കത്തു പോലും എഴുതിയിരുന്നില്ല എന്നതാണ് രസകരം. ആ നാദിർഷായാണ് പിന്നീട് കേരളം ഏറ്റു പാടിയ അനവധി പാരഡി ഗാനങ്ങൾ രചിച്ചത്

ഇന്ന് അദ്ദേഹത്തിന്റെയും ഭാര്യ ഷാഹിനയുടെയും വിവാഹ വാർഷികമാണ്. ഭാര്യയോടൊപ്പമുള്ള ചിത്രം പങ്കുവച്ച് നാദിർഷ വിവാഹവാർഷികത്തിന്റെ സന്തോഷം സോഷ്യൽ മീഡിയയിൽ പോസ്റ്റ് ചെയ്തത് ഇതിനോടകം വൈറലാണ്. ‘അന്ന്, ഇന്നായിരുന്നു ഞങ്ങടെ കല്യാണം’ എന്നാണ് ചിത്രത്തിനൊപ്പം നാദിർഷ കുറിച്ചിരിക്കുന്നത്. ആയിഷയും ഖദീജയുമാണ് നാദിഷ–ഷാഹിന ദമ്പതികളുടെ മക്കൾ.

കേശു ഈ വീടിന്റെ നാഥനാണ് അദ്ദേഹത്തിന്റെ സംവിധാനത്തിൽ അടുത്തിടെ റിലീസ് ചെയ്തത്. ഈശോ ആണ് റിലീസിനൊരുങ്ങുന്ന മറ്റൊരു ചിത്രം. അടുത്തിടെയായിരുന്നു ആയിഷയുടെ വിവാഹം. കാസർഗോഡ് ഉപ്പള സ്വദേശിയും മസ്‌ക്കറ്റിലെ പ്രമുഖ വ്യവസായിയുമായ അബ്ദുൾ ലത്തീഫിന്റെ മകൻ ബിലാലാണ് ആയിഷയുടെ ജീവിതപങ്കാളി.