മറുപടി കൊടുത്തില്ല, ടൊവിനോയെ കണ്ടാൽ കടിക്കും എന്ന് ഭീഷണി. അവസാനം നദാ മോൾക്ക് മറുപടിയുമായി ടൊവിനോ

യുവതാരങ്ങളിൽ ശ്രദ്ധേയനായ നടനാണ് ടോവിനോ തോമസ്.ജീവിതത്തിലെ വിശേഷങ്ങളെല്ലാം ആരാധകരുമായി താരം പങ്കുവെക്കാറുണ്ട്.രണ്ട് മക്കളുടെയും ഭാര്യയുടെയും വിശേഷങ്ങൾ ആരാധകർക്കായി താരം പങ്കുവെക്കാറുണ്ട്. അടുത്തിടെ കള എന്ന ചിത്രത്തിന്റെ സംഘടന രം​​ഗത്തിനിടയിൽ താരത്തിന് പരിക്കേറ്റിരുന്നു. വിശ്രമ ജീവിതത്തിന് ശേഷം വീണ്ടും സജീവമായിരിക്കുകയാണ് ഇപ്പോൾ. ടൊവിനോയെ മാത്രമല്ല കുടുംബാംഗങ്ങളേയും പ്രേക്ഷകർക്ക് പരിചയമുണ്ട്. സോഷ്യൽ മീഡിയയിൽ സജീവമായ താരം പങ്കുവെക്കുന്ന പോസ്റ്റുകളെല്ലാം പെട്ടെന്ന് തന്നെ ശ്രദ്ധിക്കപ്പെടാറുമുണ്ട്.

ഇപ്പോൾ നാദ എന്ന കൊച്ചുകുട്ടിക്ക നൽകിയ മറുപടി ശ്രദ്ധേയമാവുകയാണ്. വളരെ കഷ്‌ടപ്പെട്ട് ടൊവിനോയുടെ ഒരു സ്കെച്ച് പൂർത്തിയാക്കിയതാണ് നദാ. ശേഷം പല വിധേനെ ടൊവിനോയെ ഇക്കാര്യം അറിയിക്കാൻ നടന്നിട്ടും ഒത്തില്ല. ശേഷം അച്ഛൻ റംസീൻ റഷീദ് ഒരു പോസ്റ്റിലൂടെ മകളുടെ ദുഃഖം പറഞ്ഞതും ആ ആഗ്രഹം നടത്തിക്കിട്ടിയ സന്തോഷത്തിലാണ് നദാ മോൾ ഇപ്പോൾ.

അച്ചൻ റംസീനാണ് മകൾ വരച്ച ചിത്രം സോഷ്യൽ മീഡിയയിലൂടെ പങ്കുവെച്ചത്. ടോവിനോടെ റിപ്ലൈക്ക് വേണ്ടി കാത്തിരിക്കുന്ന എന്റെ മോൾടെ (nahda) ഡ്രോയിങ്.. പല തരത്തിലും അവൾ ഈ ഫോട്ടോ ടോവിക്ക് അയച്ചു.. റിപ്ലൈ കിട്ടാതെ നിരാശയിലായ് ഇപ്പൊ ടോവിനോനെ നേരിട്ട് കണ്ടാ ഓടിച്ചിട്ട് കടിക്കും എന്ന് പറഞ്ഞു നടപ്പാണ്. വോയിസ് റിപ്ലൈ വേണമെന്ന് ആണ് അവളുടെ ഡിമാൻഡ്,” .

സംഗതി ടൊവിനോയുടെ സോഷ്യൽ മീഡിയ മാനേജറും കമ്മ്യൂണിക്കേഷൻസ് വിദഗ്ധനുമായ വിപിൻ കുമാറിന്റെ കണ്ണിലുടക്കി. പിന്നെ വൈകിയില്ല, നദായുടെ ആഗ്രഹം പോലെ തന്നെ ഒരു വോയിസ് മെസ്സേജ് ദേ വന്നു, മോള് ഗംഭീരമായി വരച്ചിട്ടുണ്ട്, ഇനിയും ഇതിലും നന്നായി വരയ്ക്കണം” എന്ന് ടൊവിനോയുടെ ആശംസ.