നക്ഷത്രക്ക് ഇന്ന് പന്ത്രണ്ടാം ജന്മദനം,മകളെ എടുത്തു ഉയർത്തി പൂർണിമ

മലയാളികളുടെ പ്രിയപ്പെട്ട താരങ്ങളിൽ ഒരാളാണ് പൂർണിമ ഇന്ദ്രജിത്ത്. നടിയും കുടുംബവും പ്രേക്ഷകർക്ക് ഏറെ സുപരിചിതരാണ്. മക്കളായ പ്രാർത്ഥനയെയും നക്ഷത്രയെയും ഒരു കൂട്ടുകാരിയെ പോലെയാണ് പൂർണിമ കാണുന്നത്. അവർ തിരിച്ചും. സോഷ്യൽ മീഡിയകളിൽ സജീവമായ പൂർണിമ കുടുംബത്തിനും കുട്ടികൾക്കും ഒപ്പമുള്ള ചിത്രങ്ങൾ പങ്കുവെച്ച് രംഗത്ത് എത്താറുണ്ട്. മക്കളും സോഷ്യൽ ലോകത്ത് നിറഞ്ഞ് നിൽക്കുകയാണ്.

നക്ഷത്രയുടെ പന്ത്രണ്ടാം പിറന്നാൾ ആഘോഷിക്കുകയാണ് കുടുംബം. അച്ഛനും അമ്മയും നക്ഷത്രയെന്ന നച്ചുമ്മയ്ക്ക് ആശംസകൾ നേർന്നു. ഇരുവരുടെയും രണ്ടാമത്തെ മകളാണ് നക്ഷത്ര. മൂത്തമകൾ പ്രാർത്ഥനയ്ക്ക് ആരാധകർ ഏറെയാണ്. ‘ഹാപ്പി ബർത്ത് ഡേ മൈ ബിഗ് ലിറ്റിൽ ഗേൾ നച്ചുമ്മ’യെന്ന് പറഞ്ഞു കൊണ്ടാണ് മകൾക്ക് അമ്മ ആശംസകൾ നേർന്നത്. മകളെ എടുത്തു ഉയർത്താൻ നോക്കുന്ന തന്റെ വീഡിയോയും പൂർണിമ പങ്കുവെച്ചു. ഈ ലോകത്തിൽ ഞാനേറെ സ്നേഹിക്കുന്ന ആൾക്ക് ആശംസകൾ എന്നാണ് ചേച്ചി പ്രാർത്ഥന കുറിക്കുന്നത്.

നക്ഷത്രയ്ക്ക് അമ്മയെയും അച്ഛനെയും പോലെ അഭിനയമാണ് കൂടുതൽ ഇഷ്ടം. ടിയാൻ എന്ന ചിത്രത്തിൽ നക്ഷത്ര ചെറിയ വേഷം അവതരിപ്പിച്ചിരുന്നു. പ്രാർത്ഥന തിരഞ്ഞെടുത്തത് സംഗീതമായിരുന്നു. മഞ്ജുവാര്യർ നായികയായ മോഹൻലാൽ എന്ന ചിത്രത്തിലൂടെയായിരുന്നു പ്രാർത്ഥന ആദ്യമായി പിന്നണി ഗാനരംഗത്തേക്ക് ചുവടു വെച്ചത്. ഇതിന് പിന്നാലെ കുട്ടൻപിള്ളയുടെ ശിവരാത്രി, ടിയാൻ, ഹെലൻ തുടങ്ങി നിരവധി സിനിമകളിലും ഗാനങ്ങൾ ആലപിച്ചു. പിന്നാലെ തമിഴിലും ബോളിവുഡിലേക്കും പിന്നണി പാടി പ്രാർത്ഥന ചുവട് വെച്ചിരുന്നു. ബിജോയ് നമ്പ്യാർ സംവിധാനം ചെയ്യുന്ന തായിഷ് എന്ന ചിത്രത്തിലൂടെയാണ് പ്രാർത്ഥന ബോളിവുഡിലേക്ക് അരങ്ങേറിയിരുന്നു.