വിമാനത്തിൽ കയറിയാൽ പെട്ടന്ന് ഉറങ്ങിപ്പോകും, വിമാനയാത്ര താൽപ്പര്യമില്ല-നമിത പ്രമോദ്

മലയാള സിനിമയിലെ മുൻനിര നായികമാരിലൊരാളാണ് നമിത പ്രമോദ്. ബാലതാരമായാണ് നമിത അഭിനയത്തിലേക്ക് എത്തുന്നത്. ടെലിവിഷനിലൂടെയായിരുന്നു അരങ്ങേറ്റം. പിന്നീട് സിനിമയിൽ നായികയായി മാറി. ഇന്ന് മലയാളത്തിലെ ശ്രദ്ധേയയായ താരങ്ങളിലൊരാളാണ്. അൽ മല്ലുവാണ് നമിതയുടേതായി പുറത്തിറങ്ങിയ അവസാന ചിത്രം. മലയാളത്തിന് പുറമെ തമിഴ്, തെലുങ്ക് ഭാഷകളിലും നമിത അഭിനയിച്ചിട്ടുണ്ട്. പ്രൊഫസർ ഡിങ്കൻ അടക്കമുള്ള സിനിമകളാണ് ഇനി പുറത്തിറങ്ങാനുള്ളത്.

ഇപ്പോളിതാ യാത്രകളെക്കുറിച്ച് തുറന്നുപറയുകയാണ് താരം, അഭിനയം പോലെ തന്നെ യാത്രകളെയും ഏറെ ഇഷ്ടമാണ്. അഭിനയത്തോട് പാഷനാണെങ്കിൽ ഏറ്റവും അധികം ഇഷ്ടപ്പെടുന്നത് യാത്രയോടാണ്. എന്നാൽ വിമാന യാത്രകളോട് താല്പര്യമില്ല. വിദേശയാത്രകൾ നടത്തിയിട്ടുണ്ടെങ്കിലും രാജ്യത്തിനകത്തുള്ള മനോഹരമായ സ്ഥലങ്ങൾ കാണാനാണ് കൂടുതൽ ഇഷ്ടം. വിമാനയാത്ര തനിക്ക് അത്രയ്ക്ക് താത്പര്യമില്ലെന്നും 12-13 മണിക്കൂർ വരെ യാത്രചെയ്യുന്നത് ബുദ്ധിമുട്ടുള്ള കാര്യമാണ്. മാത്രമല്ല, വിമാനത്തിൽ കയറിയാൽ താൻ പെട്ടന്ന് ഉറങ്ങിപോകും. യൂറോപ്പ് മുഴുവൻ ചുറ്റിക്കറങ്ങണമെന്നതാണ് വലിയ ആഗ്രഹമെന്നും താരം കൂട്ടിച്ചേർത്തു.

അടുത്തിടെ താരം പുതിയ വീട്ടിലേക്ക് താമസം മാറിയതിന്റെ സന്തോഷം ആരാധകരുമായി പങ്കുവെച്ചിരുന്നു.കൊറോണ കാലമായതിനാൽ പുറത്താരുടേയും സഹായമില്ലാതെ വീട് ഷിഫ്റ്റിങ്ങിന്റെ കാര്യങ്ങൾ എല്ലാം ചെയ്തത് ഞങ്ങൾ തന്നെയാണ്. കൊറോണക്കാലമായതുകൊണ്ട് സിനിമാസുഹൃത്തുക്കളെയോ ബന്ധുക്കളെയോ ഒന്നും പാലുകാച്ചലിന് വിളിക്കാൻ കഴിഞ്ഞില്ല കർക്കിടത്തിൽ ശുഭ കാര്യങ്ങൾ ഒന്നു ചെയ്യാൻ പാടില്ല എന്നല്ലേ പറയുന്നത്. ചിങ്ങം വരെ കാത്തിരിക്കാൻ വയ്യാത്തത് കൊണ്ടാണ് അതിന് മുൻപ് തിരക്കിട്ട് പാലുകാച്ചൻ നടത്തിയത്. എല്ലാമൊന്ന് കുറഞ്ഞിട്ട് എല്ലാവരേയും ക്ഷണിക്കാമെന്നും നമിത പറഞ്ഞിരുന്നു