18 തികയും മുന്നെ വിവാഹനിശ്ചയം, ജന്മനാളിന്റെ തലേന്ന് മരണം, പ്രതി വരൻ കിരൺകുമാർ

വിതുര മേമല സ്വദേശിയായ നന്ദനയുടെ മരണം പെൺകുട്ടികൾക്കും മാതാപിതാക്കൾക്കും മുന്നറിയിപ്പാണ്‌. 18 വയസ് തികയുന്നതിനുമുന്നെ തന്നെ നന്ദനയുടെ വിവാഹം കിരൺ കുമാറുമായി ഉറപ്പിച്ചിരുന്നു. 18 വയസു തികയുന്നതിനു തലേ ദിവസം നന്ദന ശിവകുമാർ ദുരൂഹമായി കൊല ചെയ്യപ്പെടുകയായിരുന്നു. വിവാഹത്തിനു മുമ്പേ തന്നെ നന്ദനക്ക് പീഢനവും ശകാരവുമായിരുന്നു.. അവനേ ഉപേക്ഷിക്കാൻ വിട്ടുകാർ നിർബന്ധിച്ചപ്പോഴും ജീവിക്കുന്നെങ്കിൽ കിരണിനൊപ്പം എന്നതായിരുന്നു നന്ദനയുടെ തീരുമാനം.

ജന്മനാളിന് പായസം വെക്കണമെന്നും കേക്കു മുറിക്കണമെന്നുമൊക്കെ അച്ഛനോട് നന്ദന പറഞ്ഞിരുന്നു, എന്നാൽ ജന്മനാളിൽ പുതിയ ഉടുപ്പിൽ വരേണ്ടതിനുപകരമെത്തിയത് വെള്ളത്തുണി പുതച്ച മൃതശരീരമാണെന്ന് അച്ഛൻ കരഞ്ഞുകൊണ്ട് കർമ ന്യൂസിനോട് പറഞ്ഞു

പലതവണ നന്ദനയോട് ഈ ബന്ധം വേണ്ട എന്ന് പറഞ്ഞിരുന്നെങ്കിലും വിവാഹം കഴിക്കുന്നുണ്ടെങ്കിൽ അത് കിരണിനെ മാത്രമായിരിക്കുമെന്നാണ്. ഒരിക്കലും അവൾ ആത്മഹത്യ ചെയ്യില്ല… അവൾ അവനെ കൊന്നതാണെന്ന് കുടുംബാം​ഗങ്ങൾ ഒന്നടങ്കം പറയുന്നു. പ്രതിശ്രുത വരന്റെ സാന്നിധ്യത്തിൽ അയാൾ ഉള്ളപ്പോൾ തന്നെയാണ് നന്ദന ജീവനൊടുക്കിയത്.. തൂങ്ങിമരിച്ചതാണെന്നാണ് കിരൺ പറയുന്നത്.. എന്നാൽ അവളൊരിക്കലും അങ്ങനെ ചെയ്യില്ല. വളരെ ബോൾഡായ കുട്ടിയായരുന്നു, വിവാഹം നിശ്ചയിച്ചതിനു പിന്നാലെ നന്ദനയുടെ മേൽ കിരൺ പല നിയന്ത്രണങ്ങളും ഏർപെടുത്തിയിരുന്നു. ബന്ധുവീട്ടിൽ പോകാനോ സംസാരിക്കാനോ അനുവദിച്ചില്ല. പോസ്റ്റുമാർട്ടം റിപ്പോർട്ടു പോലും ഇതുവരെ കിട്ടിയില്ല. ആർക്കും ഇതുപോലെ ഒരു ​ഗതിവരരുതേയെന്നതാണ് പ്രാർത്ഥന. കിരൺ കുമാറിന്റെ അമ്മക്കും പങ്കുണ്ടെന്നാണ് വിശ്വാസം. അവര് പലപ്പോഴും പറഞ്ഞമൊഴികളിൽ വൈരുദ്ധ്യമുണ്ടെന്നും കുടുംബാ​ഗംങ്ങൾ പറയുന്നു

മരണത്തിനു തൊട്ടുമുമ്പ് പ്രതിയുമായി നന്ദന ദീർഘനേരം സംസാരിച്ചിരുന്നതായി പോലീസ് കണ്ടെത്തി. താൻ ആത്മഹത്യ ചെയ്യുകയാണെന്ന് കിരണിനോട് പറഞ്ഞശേഷമായിരുന്നു നന്ദന മരിച്ചത്. തൂങ്ങിമരിച്ചുനിൽക്കുന്ന വിവരം നാട്ടുകാരെ അറിയിച്ചത് കിരണായിരുന്നു എന്നത് സംശയമുളവാക്കി. ചിട്ടിപ്പണം വാങ്ങി അടയ്ക്കണമെന്ന് യുവതി ആവശ്യപ്പെട്ടതിനാൽ എത്തിയെന്നാണ് ഇയാൾ പോലീസിനോടു പറഞ്ഞത്. സംശയം തോന്നിയ പോലീസ് ഫോൺ പരിശോധിച്ചെങ്കിലും കാൾ വിവരങ്ങളും വാട്സാപ്പ് ചാറ്റുകളും ഇയാൾ ഡിലീറ്റ് ചെയ്തിരുന്നു.തുടർന്ന് യുവതിയുടെ ഫോൺ പരിശോധിച്ചതിൽനിന്നാണ് കിരണിനെതിരേയുള്ള തെളിവുകൾ കിട്ടിയത്…….