വനം വകുപ്പ് വാച്ചര്‍മാരുടെ അനുമതിയോടെയാണ് പൊന്നമ്പലമേട്ടില്‍ പൂജ നടത്തിയതെന്ന് നാരായണ സ്വാമി

തിരുവനന്തപുരം. പൊമ്പമ്പലമേട്ടില്‍ പൂജ നടത്തിയത് വനം വാച്ചര്‍മാരുടെ അനുമതിയോടെയെന്ന് പൊന്നമ്പലമേട്ടില്‍ അതിക്രമിച്ച് കടന്ന് പൂജ നടത്തിയ നാരായണ സ്വാമി. അതീവ സുരക്ഷ മേഖലയില്‍ പ്രവേശിച്ചതിന് ഇയാള്‍ക്കെതിരെ വനംവകുപ്പ് കേസെടുത്തിരുന്നു. പൂജ നടത്തുന്നതിന്റെ വിഡിയോ പുറത്തുവന്നതോടെയാണ് ഇയാള്‍ക്കെതിരെ വനംവകുപ്പ് കേസെടുത്തത്. വനം വകുപ്പിന്റെ വാച്ചര്‍മാരാണ് പൊന്നമ്പലമേട്ടില്‍ പ്രവേശിക്കുവാന്‍ അനുമതി നല്‍കിയതെന്നും.

പൂജ നടത്തുവാന്‍ വേണ്ട സഹായങ്ങള്‍ നല്‍കിയതെന്നും നാരായണ സ്വാമി പറയുന്നു. മുമ്പ് ശബരിമല കീഴ്ശാന്തിയുടെ സഹായിയായി ജോലി ചെയ്തിരുന്നു. എല്ലാ വര്‍ഷവും ശബരിമല സന്ദര്‍ശനം നടത്താറുണ്ട്. തീര്‍ഥാടനം നടത്തുന്ന എല്ലാ സ്ഥലങ്ങളിലും പൂജ ചെയ്ത് പ്രാര്‍ഥിക്കാറുണ്ടെന്നും നാരായണ സ്വാമി പറയുന്നു. പൊന്നമ്പലമേട്ടില്‍ പോയപ്പോല്‍ പൂജ ചെയ്യണമെന്ന് ആഗ്രഹം തോന്നി ചെയ്തതാണെന്നും നാരയണ സ്വാമി പറഞ്ഞു.

പൊന്നമ്പലമേട്ടില്‍ പൂജ നടത്തിയതില്‍ എന്താണ് തെറ്റ്. അയ്യപ്പനുവേണ്ടി മരിക്കുവാന്‍ വരെ തയ്യാറാണെന്നും. കൂടെയുള്ളത് പൂജാ സാധനങ്ങള്‍ കൊണ്ടുവന്നവരാണെന്നും നാരായണ സ്വാമു പറഞ്ഞു. പൊന്നമ്പലമേട് അതീവ സുരക്ഷ മേഖലയാണെന്ന് അറിയില്ലായിരുന്നു. ആദ്യമായിട്ടാണ് പോകുന്നതെന്നും പോലീസില്‍ നിന്നോ വനം വകുപ്പില്‍ നിന്നോ ആരും തന്നെ ബന്ധപ്പെട്ടിട്ടില്ലെന്നും നാരായണ സ്വാമി പറഞ്ഞു.