സംസ്ഥാനത്തെ ആദ്യ വന്ദേ ഭാരത് എക്‌സ്പ്രസ് ട്രെയിൻ ഫ്‌ളാഗ്ഓഫ് ചെയ്ത് പ്രധാനമന്ത്രി നരേന്ദ്ര മോദി, കേരളം കാത്തിരുന്ന നിമിഷം

തിരുവനന്തപുരം: കേരളത്തിലെ ആദ്യ വന്ദേ ഭാരത് എക്‌സ്പ്രസ് ട്രെയിൻ പ്രധാനമന്ത്രി നരേന്ദ്ര മോദി ഫ്‌ളാഗ്ഓഫ് ചെയ്തു. മലയാളികളുടെ വർഷങ്ങളായുള്ള കാത്തിരിപ്പിന് വിരാമമിട്ടുകൊണ്ടാണ് അദ്ദേഹം വന്ദേ ഭാരത് എക്‌സ്പ്രസ് ട്രെയിനിന് തലസ്ഥാനത്ത് പച്ചക്കൊടി കിട്ടിയിരിക്കുന്നത്. ഇതോടെ കേരളത്തിലും വന്ദേ ഭാരത് എന്നത് യാഥാർഥ്യമായിരിക്കുന്നു. വന്ദേ ഭാരത് എക്‌സ്പ്രസ് ട്രെയിനിന്റെ ആദ്യ യാത്രയിൽ മോദി പങ്കെടുക്കില്ല. പകരം തിരുവനന്തപുരം റയിൽവേ സ്റ്റേഷനുള്ളിൽവെച്ച് തന്നെ സ്കൂൾ കുട്ടികളുമായി സംസാരിക്കും. 20 മിനിറ്റോളം അദ്ദേഹം ഇവിടെ ഉണ്ടാകും.

ആദ്യ വന്ദേ ഭാരത് എക്‌സ്പ്രസ് ട്രെയിൻ ഉദ്‌ഘാടനത്തിന് ശേഷം അദ്ദേഹം കേരളത്തിലെ ആദ്യത്തെ വാട്ടർ മെട്രോയും ഉദ്ഘാടനം ചെയ്യുന്നുന്നതാണ്. ഒപ്പം തിരുവനന്തപുരത്ത് ഡിജിറ്റൽ സയൻസ് പാർക്കിന് മോദി തറക്കല്ലിടും. ഇത് രാജ്യത്തെ തന്നെ ആദ്യത്തേതാണ്. ഡിജിറ്റൽ സയൻസ് പാർക്ക് കേരളത്തിന്റെ വിജ്ഞാന രംഗത്തെ മുന്നേറ്റങ്ങൾക്ക് ഊർജ്ജമാകും എന്നാണു കണക്കാക്കുന്നത്.

കഴിഞ്ഞ ദിവസം കൊച്ചിയിൽ നടന്ന പ്രധാനമന്ത്രിയുടെ റോഡ് ഷോയിൽ ബുള്ളറ്റ് പ്രൂഫ് കാറിൽ മോദി റോഡ് ഷോ നടത്തുമെന്ന് കരുതിയിരുന്ന ജനങ്ങൾക്കിടയി ലേക്ക് കാൽനടയായി നടന്നു വന്നു ഹൃദയം കവർന്ന സംഭവം സാമൂഹ്യ മാധ്യമങ്ങളിൽ ആകെ ചർച്ചയായി. ഏവർക്കും അഭിവാദ്യം അര്‍പ്പിച്ച് മോദി സേക്രഡ് ഹാര്‍ട്ട് കോളജിലേക്ക് 1.8 കിലോമീറ്റര്‍ കാല്‍നടയായാണ് എത്തിയത്. കേരളത്തിലെ യുവാക്കളെയും രാഷ്ട്ര നേതാവിനെ ഒരു നോക്ക് കാണാൻ റോഡിൻറെ ഇരു വശങ്ങളിലും തടിച്ചു കൂടിയ ജനങ്ങളുടെയും മനസ്സുകളിലേക്ക് നടന്നു കയറുകയായിരുന്നു ഇതോടെ മോദി.