പുതിയ ചിത്രത്തിന് തരാം വാങ്ങുന്ന തുക കേട്ടാൽ ആരും ഞെട്ടും, തെന്നിന്ത്യയിലെ ഏ​റ്റവും കൂടുതൽ പ്രതിഫലം വാങ്ങുന്ന നടിയായി നയൻതാര മാറും

മലയാള സിനമയിലൂടെ അരങ്ങേറ്റംകുറിച്ച നയൻ‌താര ഇന്ന് ഇന്ത്യയിൽ മുൻനിര നായികമാരിൽ ഒരാളായി മാറിയിരിക്കുകയാണ്. മലയാളികൂടിയായ നയൻതാരയുടെ പുതിയ വിശേഷം കേട്ട് ഞെട്ടിയിരിക്കുകയാണ് ആരാധകർ, തെന്നിന്ത്യയിലെ ഏ​റ്റവും കൂടുതൽ പ്രതിഫലം വാങ്ങുന്ന നടിയായി മാറാനൊരുങ്ങുകയാണ് നയൻതാര. ജവാനിലൂടെ ബോളിവുഡിൽ അരങ്ങേ​റ്റം കുറിച്ചതോടെയാണ് നയൻതാര തന്റെ പ്രതിഫലം വർദ്ധിപ്പിച്ചെതെന്നാണ് റിപ്പോർട്ട്.

35 വർഷത്തിന് ശേഷം കമൽഹാസനെ നായകനാക്കി മണിരത്നം ഒരുക്കുന്ന പുതിയ ചിത്രമായ കെ എച്ച് 234 ൽ നയൻതാര നായികയായി എത്തുമെന്നാണ് ലഭിക്കുന്ന വിവരം. പുതിയ ചിത്രത്തിൽ നായികയാകുന്നതിന് താരത്തിന് ലഭിക്കുന്ന പ്രതിഫലം പന്ത്രണ്ട് കോടിയായിരിക്കും. നയൻതാരയുടെ ജവാൻ, ഇരൈവൻ തുടങ്ങിയ ചിത്രങ്ങൾ ബോക്‌സോഫീസിൽ വൻഹി​റ്റുകളായിരുന്നു. ഇതോടെയാണ് താരം പ്രതിഫലം വർദ്ധിപ്പിച്ചത്

രണ്ട് ചിത്രങ്ങളിൽ നിന്നും നയൻതാരയ്ക്ക് ലഭിച്ചത് പത്ത് കോടി രൂപ വീതമാണ്. കഴിഞ്ഞ വർഷം റിലീസ് ചെയ്ത തമിഴ് ചിത്രം കണക്ടിന് താരം കൈപ്പ​റ്റിയത് എട്ട് കോടി രൂപയാണ്. 2016ൽ പുറത്തിറങ്ങിയ ബാബു ബംഗാരം എന്ന തെലുങ്ക് ചിത്രത്തിന് നയൻതാരയ്ക്ക് ലഭിച്ച പ്രതിഫലത്തിന്റെ ആറിരട്ടിയാണ് ഇപ്പോഴത്തെ പ്രതിഫലം.