ഒരു രാത്രിക്ക് എത്രയാണെന്ന് ചോദ്യം, ചുട്ട മറുപടി നല്‍കി നീലിമ

പലപ്പോഴും പല സെലിബ്രിറ്റികളും സൈബര്‍ ആക്രമണത്തിന്റെ ഇരയാകാറുണ്ട്. ഇത്തരം പല സംഭവങ്ങളും ഉണ്ടാകാറുണ്ട്. ഇപ്പോള്‍ തമിഴ് സിനിമ സീരിയല്‍ രംഗത്ത് സജീവമായ നടി നീലിമയ്ക്കും സമാനമായ അനുഭവം ഉണ്ടായിട്ടുണ്ട്. നെഗറ്റീവ് വേഷങ്ങളിലൂടെ തിളങ്ങി നില്‍ക്കുന്ന താരമാണ് നീലിമ. സീരിയല്‍ പ്രൊഡ്യൂസര്‍ കൂടിയായ താരം ഇപ്പോള്‍ സോഷ്യല്‍ മീഡിയയിലൂടെ തനിക്കുണ്ടായ ദുരനുഭവമാണ് പങ്കുവെച്ചിരിക്കുന്നത്.

ഇന്‍സ്റ്റഗ്രാം ലൈവില്‍ എത്തിയപ്പോൾ ആണ് താരത്തിന് ദുരനുഭവം നേരിടേണ്ടി വന്നത്. ഒരു രാത്രിക്ക് എത്രയാണ് റേറ്റ് എന്നായിരുന്നു ഒരാള്‍ നീലിമയോട് ചോദിച്ചത്. ഇതിന് തക്ക മറുപടിയും താരം നല്‍കി. അയാള്‍ക്ക് താരം നല്‍കിയ മറുപടിക്ക് ആരാധകര്‍ കയ്യടിക്കുകയും ചെയ്തു. നിങ്ങളില്‍ നിന്നും അല്‍പമെങ്കിലും മാന്യത ഞാന്‍ പ്രതീക്ഷിക്കുന്നു സഹോദരാ. ദൈവം നിങ്ങളെ അനുഗ്രഹിക്കട്ടെ. അശ്ലീലമായ മനസ്സ് ആക്രമികള്‍ക്കാണ് ഉണ്ടാവുക. നിങ്ങള്‍ എത്രയും പെട്ടെന്ന് ഒരു മനശാസ്ത്ര വിദഗ്ദ്ധനെ കാണുകയാണ് നല്ലതെന്നുമാണ് നീലിമ മറുപടി നല്‍കിയത്.നീലിമയുടെ ഈ മറുപടിക്ക് പിന്തുണയുമായി നിരവധി പേരാണ് രംഗത്ത് എത്തിയത്. പലരും കമന്റിലൂടെയും മറ്റും നീലിമയെ അഭിനന്ദിക്കുകയും ചെയ്തു. ഇത്തരക്കാര്‍ക്ക് ഇതേ രീതിയില്‍ തക്കതായ മറുപടി നല്‍കണമെന്ന് തന്നെയാണ് പലരും അഭിപ്രായപ്പെട്ടത്. മൊഴി, നാന്‍ മഹാന്‍ അല്ലെ, സന്തോഷ് സുബ്രഹ്മണ്യം തുടങ്ങിയവയാണ് നീലിമയുടെ പ്രധാന സിനിമകള്‍. വിശാല്‍ നായകനായ ചക്രയാണ് റിലീസിനൊരുങ്ങുന്ന നീലിമയുടെ പുതിയ ചിത്രം.