യാഥാര്‍ത്ഥ ജീവിതത്തില്‍ പ്രണയം കുറച്ച് ടഫ് ആണ്, നീത പിള്ള പറയുന്നു

മലയാളികളുടെ പ്രിയപ്പെട്ട നടിയാണ് നീത പിള്ള. പൂമരം എന്ന ചിത്രത്തിലൂടെയാണ് നടിയുടെ സിനിമ അരങ്ങേറ്റം. ഇപ്പോള്‍ തന്റെ ഇഷ്ട ചിത്രങ്ങളെ കുറിച്ച് തുറന്ന് പറഞ്ഞിരിക്കുകയാണ് നടി. ഒരു പ്രേക്ഷക എന്ന നിലയില്‍ പ്രണയ ചിത്രങ്ങള്‍ ആണ് തനിക്ക് പ്രിയപ്പെട്ടതെന്ന് നീത പിള്ള പറയുന്നു. അനിയത്തിപ്രാവും നിറവും ഒക്കെ തനിക്ക് പ്രിയപ്പെട്ട ലവ് സ്റ്റോറികള്‍ ആണെന്ന് നടി പറയുന്നു.

യാഥാര്‍ത്ഥ ജീവിതത്തില്‍ പ്രണയം എന്നത് കുറച്ച് ടഫ് ആണ്. സ്‌നേഹത്തിന്റെ തീവ്രതയേക്കാള്‍ പരസ്പരം മനസിലാക്കലാണ് പ്രണയത്തിന്റെ വിജയം എന്നും നീത പിള്ള പറയുന്നു. ഒരു അഭിമുഖത്തിലാണ് നീത ഇക്കാര്യങ്ങള്‍ തുറന്ന് പറഞ്ഞത്.

നീത പിള്ളയുടെ വാക്കുകള്‍ ഇങ്ങനെ;

‘പ്രണയ സിനിമകള്‍ കണ്ടുതുടങ്ങിയ കാലത്ത് അനിയത്തിപ്രാവും, നിറവുമൊക്കെ ഏറ്റവും പ്രിയപ്പെട്ട ലിസ്റ്റിലായിരുന്നു. കുഞ്ചാക്കോ ബോബനും ശാലിനിയും തമ്മിലുള്ള കെമസ്ട്രി അദ്ഭുതപ്പെടുത്തിയിട്ടുണ്ട്. പക്ഷേ ജീവിതത്തില്‍ പ്രണയം അത്ര സിനിമാറ്റിക് അല്ല എന്നെനിക്കറിയാം. യഥാര്‍ത്ഥ ജീവിതത്തില്‍ പ്രണയം എന്നത് കുറച്ച് ടഫ് ആണ്. സ്‌നേഹത്തിന്റെ തീവ്രതയേക്കാളും പരസ്പരം മനസിലാക്കലാണ് പ്രണയത്തിന്റെ വിജയം. പ്രണയിക്കുന്നവര്‍ തമ്മില്‍ എന്നും കുറ്റപ്പെടുത്തലുകളും സംശയങ്ങളുമാണെങ്കില്‍ ആ പ്രണയത്തിന്റെ അടിസ്ഥാനമെന്താണ് ? പേടി കൂടാതെ എന്തും തുറന്നു പറയാന്‍ കഴിയുന്ന ബഹുമാനത്തോടെ സംസാരിക്കുന്ന മനസ്സിലാക്കുന്നവര്‍ക്കിടയിലാണ് യഥാര്‍ത്ഥ പ്രണയം എന്നാണ് ഞാന്‍ വിശ്വസിക്കുന്നത്’