ടെല​ഗ​​ഗ്രാം സന്ദേശമയച്ചതോടെയാണ് ഋഷി കപൂറുമായി പ്രണയത്തിലാണെന്ന സത്യം തിരിച്ചറിഞ്ഞത്, വികാരാധീനയായി നീതു

രാജ്യത്തെ ഇതിഹാസ നടൻ ഋഷി കപൂർ 2020ലാണ് വിടവാങ്ങിയത്. ഒട്ടേറെ ഹിറ്റ് സിനിമകളിൽ നായകനായ നടൻ. ഋഷി കപൂറിന്റെ മരണം എല്ലാവരെയും സങ്കടത്തിലാഴ്ത്തിയിരുന്നു. നീതു വിനെ ഋഷി കപൂർ വിവാഹം കഴിക്കുന്നത് 1980ലാണ്. രണ്ട് മക്കളാണ് ഇവർക്കുള്ളത്. ഖേൽ ഖേൽ മേം, അമർ അക്ബർ അന്തോണി തുടങ്ങി വിവാഹത്തിന് മുൻപും ശേഷവും പന്ത്രണ്ട് സിനിമകളിലാണ് ഇവർ ഒരുമിച്ചഭിനയിച്ചത്. കൗമര പ്രായത്തിലാണ് നീതു സിനിമയിലെത്തിയത്.

ഋഷി കപൂറിന്റെ ഓർമകളിൽ വികാരാധീനയായ നീതു കപൂറിന്റെ വീഡിയോ ആണ് സമൂഹമാധ്യമങ്ങളിൽ വൈറലാകുന്നത്.ഇന്ത്യൻ ഐഡളിൽ അതിഥിതാരമായി എത്തിയതായിരുന്നു നീതു കപൂർ. നീതുവും ഋഷിയും ഒരുമിച്ചഭിനയിച്ച ഒരു ഗാനം മത്സരാർഥികളിലൊരാൾ അവതരിപ്പിച്ചതിന് തൊട്ടുപിന്നാലെയാണ് നീതു വികാരാധീനയായത്.

നീതുവിന്റെ വാക്കുകൾ,

ഒരോ പെൺകുട്ടികളുടെയും പിറകെ പോയി അവസാനം ഋഷി എനിക്കരികിൽ മടങ്ങിയെത്തും. ഞാൻ വളരെ ലാളിത്യമുള്ളവളും സത്യസന്ധതയുള്ളവളുമാണെന്ന് നീതു എല്ലായ്‌പ്പോഴും പറയാറുണ്ടായിരുന്നു. ഒരിക്കൽ ഒരു സംഭവമുണ്ടായി. സിനിമാ ചിത്രീകരണത്തിന്റെ ഭാഗമായി ഞങ്ങൾ വെവ്വേറെ നഗരങ്ങളിലായിരുന്നു. ഋഷി എനിക്കൊരു ടെലഗ്രാം അയച്ചു ഞാൻ നിന്നെ ഓർക്കുന്നു എന്നായിരുന്നു സന്ദേശം. അന്നാണ് ഞാൻ അദ്ദേഹവുമായി പ്രണയത്തിലാണെന്ന സത്യം തിരിച്ചറിഞ്ഞത്’