ഭര്‍ത്താവില്ലാത്ത സമയം ഫ്‌ലാറ്റിലെ നിത്യസന്ദര്‍ശകരായിരുന്നത് നിരവധി പുരുഷന്മാര്‍, നീതു കാമുകനുമായി അടിപൊളി ജീവിതം നയിച്ച വീടിന്റെ വാടക കൊടുത്തിരുന്നതും ഭര്‍ത്താവ്

ഒരു പ്രവാസിയുടെ പാവം ഭാര്യയായി വീട്ടില്‍ അടങ്ങി ഒതുങ്ങി കഴിയാന്‍ നീതു രാജ് തയ്യാറായിരുന്നില്ല. അടിച്ചു പൊളിച്ച് ന്യുജന്‍ ജീവിതമായിരുന്നു എപ്പോഴും ആ മനസില്‍. എല്ലാ അര്‍ത്ഥത്തിലും കലിപ്പന്റെ കാന്താരി തന്നെയായിരുന്നു നീതു എന്നാണ് കൊച്ചിയിലെ ഇവരുടെ അയല്‍ക്കാര്‍ പറയുന്നത്. 28കാരനായ കാമുകന്‍ ഇബ്രാഹിം ബാദുഷ എങ്ങനെ ഒക്കെ ഉപദ്രവിച്ചാലും 36കാരിയായ നീതുവിന് കടുത്ത പ്രണയമായിരുന്നു അയാളോട്.

കളമശേരിയില്‍ 2020 ഡിസംബര്‍ വരെ താമസിച്ചിരുന്ന ഫ്‌ലാറ്റിലും പിന്നീട് കളമശേരി മൂലേപ്പാടത്തെ വാടക വീട്ടിലും പാതിരാത്രിയോളം നീളുന്ന പാട്ടും ഡാന്‍സുമായിരുന്നു. ലഹരി ഉപയോഗിച്ച ശേഷം ക്രൂരമായി പീഡിപ്പിക്കുന്ന കാമുകനും നീതുവിന് ഹരമായിരുന്നു. ഈ ഹരങ്ങള്‍ നഷ്ടമാകാതിരിക്കാനായിരുന്നു നീതു മെഡിക്കല്‍ കോളജില്‍ എത്തി കുഞ്ഞിനെ തട്ടിയെടുക്കാന്‍ ശ്രമിച്ചത്.

നീതുവിന്റെ വഴിവിട്ട ജീവിതം അയല്‍വാസികള്‍ ചോദ്യം ചെയ്തതോടെയാണ് കളമശ്ശേരിയിലെ ഫ്‌ലാറ്റ് വിടേണ്ടി വന്നത്. ഭര്‍ത്താവ് നാട്ടില്‍ ഇല്ലാത്തപ്പോള്‍ വീട്ടില്‍ തുടര്‍ച്ചയായി ആളുകള്‍ വന്നിരുന്നു. മാത്രമല്ല രാത്രിയില്‍ മുഴുവന്‍ ശബ്ദത്തില്‍ പാട്ട് വെച്ച് ഡാന്‍സും ബഹളവും. ഇതോടെ സമീപവാസികള്‍ ഫ്‌ലാറ്റ് സുരക്ഷാ ജീവനക്കാരോടു പരാതിപ്പെട്ടതോടെ സംഗതി വാക്കുതര്‍ക്കത്തിലേയ്ക്ക് എത്തുകയും ഫ്‌ലാറ്റ് ഒഴിയുകയുമായിരുന്നു. പിന്നീട് കളമശേരി മൂലേപ്പാടത്ത് വീട് എടുത്തതും നുണ പറഞ്ഞ് തന്നെയായിരുന്നു. ഭര്‍ത്താവ് വിദേശത്താണെന്നും കൂടെയുള്ളത് അദ്ദേഹത്തിന്റെ സഹോദരനാണ് എന്നുമായിരുന്നു പറഞ്ഞത്.

അതേസമയം നീതു എല്ലാ അര്‍ത്ഥത്തിലും തന്നെ പറ്റിക്കുകയായിരുന്നെന്ന് പ്രവാസിയായ ഭര്‍ത്താവ് അറിഞ്ഞിരുന്നില്ല. നീതുരാജിനും കാമുകനും കഴിയാനുള്ള വീടിന്റെ വാടക പോലും നല്‍കിയിരുന്നത് നീതുവിന്റെ ഭര്‍ത്താവ് സുധീഷായിരുന്നു. നീതുവിന്റെ തട്ടിപ്പൊന്നും താന്‍ അറിഞ്ഞിരുന്നില്ലെന്നാണ് വീട്ടുടമക്കയച്ച വാട്‌സാപ്പ് സന്ദേശത്തില്‍ സുധീഷ് പറയുന്നത്. സുധീഷിന്റെ പേരിലായിരുന്നു വീട് വാടകയ്ക്ക് എടുത്ത്. അയല്‍വാസികളുമായി വലിയ സഹകരണമില്ലാത്ത നീതു രാജ് സംസാരിക്കുന്നവരോടെല്ലാം പറഞ്ഞിരുന്നത് കള്ളമായിരുന്നു.