മുണ്ടക്കയത്ത് നവവധു ജീവനൊടുക്കിയ നിലയില്‍, കേസെടുത്ത് പേലീസ്

കോട്ടയം: ഒരു യുവതി കൂടി വിവാഹത്തിന് ശേഷം തന്റെ ജീവന്‍ കൂടി അകാലത്തില്‍ അവസാനിപ്പിച്ചിരിക്കുകയാണ്. മുണ്ടക്കയത്താണ് നവവധു തൂങ്ങി മരിച്ച നിലയില്‍ കണ്ടെത്തിയത്. മുണ്ടക്കയം സ്വദേശി മേഘ സെബാസ്റ്റ്യനാണ് മരിച്ചത്. പുഞ്ചവയലിലെ സ്വന്തം വീട്ടില്‍ തൂങ്ങി മരിച്ച നിലയിലാണ് മേഘയെ കണ്ടെത്തിയത്.

ഞായറാഴ്ച ഉച്ച കഴിഞ്ഞ് ഭക്ഷണം കഴിച്ച് റൂമിലേക്ക് പോയ ശേഷം അനക്കമൊന്നും കേള്‍ക്കാതിരുന്നതിനെ തുടര്‍ന്ന് നടത്തിയ പരിശോധനയിലാണ് യുവതിയെ മരിച്ച നിലയില്‍ കണ്ടെത്തിയത്. ഒരു മാസം മുമ്പാണ് മേഘ വിവാഹിതയായത്. പൊലീസ് അസ്വാഭാവിക മരണത്തിനു കേസ് എടുത്ത് അന്വേഷണമാരംഭിച്ചു.