ചങ്കുറപ്പുള്ള ഒരാള് നമ്മെ ചേര്‍ത്തു പിടിക്കാനുണ്ടെങ്കില്‍ ലോകം മുഴുവന്‍ ഒറ്റപെടുത്തിയാലും ഒരു ചുക്കുവുമില്ല…

പ്രണയ ദിനം ഏവരും ആഘോഷമാക്കിയിരുന്നു. ആണിം പെണ്ണും മാത്രമല്ല സ്വവര്‍ഗ അനുരാഗികള്‍ക്കും ഇന്നലെ അഘോഷ ദിവസമായിരുന്നു. പു്രണയനാളിലെ സുന്ദര നിമിഷങ്ങളെ ഹൃദ്യമായ ചിത്രം കൊണ്ട് ചേര്‍ത്തുവെച്ചിരിക്കുകയാണ് ഗേ ദമ്പതികളായ നികേഷും സോനുവും. നികേഷിന്റെ കൈ പിടിച്ചു നില്‍ക്കുന്ന സേനുവാണ് ചിത്രത്തിലുള്ളത്. മുണ്ടും ഷര്‍ട്ടും ഒക്കെ ഉടുത്ത് വളരെ തകര്‍പ്പന്‍ ലുക്കിലാണ് ഇരുവരും ഫോട്ടോയില്‍ പ്രത്യക്ഷപ്പെട്ടിരിക്കുന്നത്.

‘ചങ്കുറപ്പുള്ള ഒരാള് നമ്മെ ചേര്‍ത്തു പിടിക്കാനുണ്ടെങ്കില്‍ ലോകം മുഴുവന്‍ ഒറ്റപെടുത്തിയാലും ഒരു ചുക്കുവുമില്ല…പ്രണയിക്കുന്നവര്‍ക്കും, പ്രണയിച്ചിട്ടും ഒന്നിക്കാന്‍ കഴിയാതെ പോയവര്‍ക്കും, പ്രണയിക്കണം എന്നാഗ്രഹം കൊണ്ട് നടക്കുന്നവര്‍ക്കും, അങ്ങനെ അങ്ങനെ എല്ലാവര്‍ക്കും പ്രണയദിനാശംസകള്‍.’- പ്രണയ ചിത്രത്തിന് ആമുഖമെന്നോണം നികേഷ് കുറിക്കുന്നു. ഫേസ്ബുക്ക് സൗഹൃദ കൂട്ടായ്മയായ ജിഎന്‍പിസിയിലാണ് കുറിപ്പ് പങ്കുവെച്ചിരിക്കുനന്നത്.

കേരളത്തിലെ ആദ്യ ആണ്‍ ദമ്പതികളാണ് സോനുവും നികേഷും. സോഷ്യല്‍ മീഡിയകളിലും ഏറെ സുപരിചിതരാണ് ഇരുവരും. സൈബര്‍ അധിക്ഷേപങ്ങളും പരിഹാസങ്ങളും പലപ്പോഴും ഏറ്റു വാങ്ങേണ്ടി വന്നിട്ടുമുണ്ട് ഇരുവരും. ഇതിനെയെല്ലാം മറികടന്ന് അവര്‍ ജീവിക്കുകയാണ്. നികേഷ് സോനുവിന്റെ കൈപിടിച്ചപ്പോഴും ഇവര്‍ പരിഹാസങ്ങള്‍ നേരിടേണ്ടി വന്നിരുന്നു. എന്നാല്‍ ആ പരിഹാസങ്ങളും മറ്റും അവരെ ബാധിച്ചില്ല.