എന്നോട് ആരെങ്കിലും എന്തെങ്കിലും പറഞ്ഞ് എനിക്ക് ദേഷ്യം വന്നാല്‍ ഞാന്‍ അടിക്കും, നിഖില വിമല്‍ പറയുന്നു

മലയാളികളുടെ പ്രിയപ്പെട്ട നടിയാണ് നിഖില വിമല്‍. ഇപ്പോള്‍ ഒരു അഭിമുഖത്തില്‍ നടി പറഞ്ഞ വാക്കുകളാണ് ശ്രദ്ധേയമാകുന്നത്. കാണാന്‍ ഭംഗിയുള്ളതുകൊണ്ട് ഒരു പ്രത്യേക കഥാപാത്രമായി ചിന്തിക്കാന്‍ പറ്റില്ലെന്ന് പറയുന്നത് താന്‍ കേട്ടിട്ടുണ്ടെന്ന് നടി പറയുന്നു. ഒരു മാധ്യമത്തിന് അനുവദിച്ച അബിമുഖത്തില്‍ ഒരു നടന്റെയോ നടിയുടേയോ സൗന്ദര്യം കഥാപാത്രങ്ങള്‍ കിട്ടുന്നതിന് ഗുണകരമാവുമോ ദോഷകരമാവുമോ എന്ന ചോദ്യത്തിനു പ്രതികരിക്കുകയായിരുന്നു നടി.

നിഖില വിമലിന്റെ വാക്കുകള്‍ ഇങ്ങനെ, ‘ഒരു സിനിമയുടെ സമയത്ത് എനിക്ക് അവസരം താരാതിരുന്നതിനെപ്പറ്റി ചോദിച്ചപ്പോള്‍ നിങ്ങള്‍ ഒരാളെ അടിക്കും എന്നൊന്നും തോന്നാറില്ല, നിങ്ങളെ കണ്ടാല്‍ വളരെ നന്മയുള്ള ഒരാളായിട്ടാണ് തോന്നാറ്. നിഷ്‌കളങ്കമായ മുഖമാണ് എന്നെല്ലാമാണ് മറുപടി കിട്ടിയത്. പക്ഷേ അങ്ങനെ പറയുമ്പോള്‍ അത്ര സുഖമുള്ളതായി തോന്നാറില്ല. ഞാന്‍ അങ്ങനെയൊരാളല്ല. എന്നോട് ആരെങ്കിലും എന്തെങ്കിലും പറഞ്ഞ് എനിക്ക് ദേഷ്യം വന്നാല്‍ ഞാന്‍ അടിക്കും. തിരിച്ച് മറുപടി പറയും. പക്ഷേ ഈ രീതിയില്‍ എന്നെയാരും കണ്ടിട്ടില്ല.

ഒരാളെ പ്രേക്ഷകര്‍ മുന്‍വിധിയോടെ നോക്കുന്നതിനെ നമുക്ക് ഒന്നും ചെയ്യാനില്ല. അവര്‍ കഥാപാത്രങ്ങാളായാണ് കാണുന്നത്. പക്ഷേ സിനിമയിലുള്ളവര്‍ എന്നെപ്പോലെ ഒരാളില്‍ നിന്ന് കലാപരമായി എന്തൊക്കെ വാങ്ങിയെടുക്കണമെന്ന് ചിന്തിക്കണമെന്ന് ഞാന്‍ പറയുന്നത്. എന്നെപ്പോലെയല്ല ഞാന്‍ ചെയ്യുന്ന കഥാപാത്രങ്ങള്‍. നെഗറ്റീവ് ഷെയ്ഡുള്ള കഥാപാത്രങ്ങള്‍ ചെയ്യാനും ഇഷ്ടമാണ്. നിഷ്‌കളങ്കമായ മുഖമാണെന്ന് പറഞ്ഞാണ് സത്യത്തില്‍ ഞാന്‍ പ്രകാശനില്‍ അവസരം തന്നത്.’