സാരി ഉടുക്കുമ്പോൾ വയർ കണ്ടാൽ അവർക്ക് കുഴപ്പമില്ല- നിരഞ്ജും ഭാര്യയും

മണിയൻപിളള രാജുവിന്റെ മകനും യുവ നടനുമായിരുന്ന നിരഞ്ജൻ മണിയൻപിളള രാജു കഴിഞ്ഞ ദിവസമാണ് വിവാഹിതനായത്. തിരുവനന്തപുരം സ്വദേശി നിരഞ്ജനയാണ് വധു. പാലിയത്ത് വിനോദ് ജി പിളളയുടെ സിന്ധുവിന്റെയും മകളായ നിരഞ്ജന ഫാഷൻ ഡിസൈനറാണ്. കൊച്ചിയിൽ നടന്ന വിവാഹചടങ്ങിൽ പങ്കെടുക്കാൻ മമ്മൂട്ടി, ജയറാം തുടങ്ങിയ താരങ്ങൾ പങ്കെടുത്തിരുന്നു. എന്നാൽ വിവാഹത്തിന് പിന്നാലെ നിരഞ്ജന്റെ ഭാര്യയെ പരിഹസിച്ച് കൊണ്ടുള്ള കമന്റുകളും വന്നികുന്നു

ഇപ്പോഴിതാ, ആ കമന്റുകളോട് പ്രതികരിക്കുകയാണ് നിരഞ്ജും നിരഞ്ജനയും. തങ്ങൾ തമാശ ആയിട്ടാണ് അതിനെ കണ്ടത്. കൈ കണ്ടാൽ ചിലർക്ക് പേടിയാണെന്ന് തോന്നുന്നു. സാരിയിൽ വയർ കണ്ടാൽ കുഴപ്പമില്ല. അല്ലാതെ കുറച്ചു വയർ കാണുമ്പോൾ ഇവർക്ക് എന്താണെന്ന് അറിയില്ല എന്നായിരുന്നു ഇരുവരും പറഞ്ഞത്.

‘നമ്മൾ നമ്മുടെ കംഫർട്ട് അനുസരിച്ചാണ് വസ്ത്രം ധരിക്കുന്നത്. ഇത് ഞങ്ങളുടെ വിവാഹമാണ്അതനുസരിച്ച് ഞങ്ങൾക്ക് കംഫർട്ട് ആയ ഡ്രസാണ് ധരിച്ചത്. അങ്ങനെ എല്ലാവരുടെയും അഭിപ്രായമൊന്നും നോക്കാൻ പറ്റില്ല. ഫാമിലിയുടെയും ഞങ്ങളുടെയും കംഫർട്ട് നോക്കിയാണ് വസ്ത്രമൊക്കെ തിരഞ്ഞെടുത്തത്,’

കമന്റ്സ് ഇപ്പോൾ എന്ത് ചെയ്താലും വരും നല്ലതും വരും ചീത്തയും വരും. ചിലർ നല്ലത് പറഞ്ഞവരും ഉണ്ട്. റിസപ്‌ഷൻ ഔട്ട്ഫിറ്റിന്റെ കഴുത്ത് അൽപം ഇറങ്ങി പോയതും വയർ കണ്ടതും കൈ കണ്ടതും ഒക്കെ ആയിരുന്നു അവർക്ക് കുഴപ്പം. സാരി ഉടുക്കുമ്പോഴും വയർ കാണും അതൊന്നും അവർക്ക് കുഴപ്പമില്ല. അല്ലാതെ ഇത്തിരി കാണുമ്പോൾ പ്രശ്‌നമാണ്. അതെന്താണെന്ന് അറിയില്ല. അവരായി അവരുടെ പാടായി,’ നിരഞ്ജന പറഞ്ഞു.

‘ബ്ലാക്ക് ബട്ടർഫ്‌ലൈസ്’ എന്ന ചിത്രത്തിലൂടെയാണ് നിരഞ്ജ് സിനിമാ മേഖലയിലെത്തുന്നത്. പിന്നീട് ‘ബോബി’, ‘ഡ്രാമ’, ‘സകലകലാശാല’, ‘സുത്രകാരൻ’, ‘ഫൈനൽസ്’, ‘ഒരു താത്വിക അവലോകനം’ എന്നീ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്തു. ഷാൻ തുളസീധരന്റെ സംവിധാനത്തിൽ ഒരുങ്ങുന്ന ‘ഡിയർ വാപ്പി’ യാണ് നിരഞ്ജിന്റെ ഏറ്റവും പുതിയ ചിത്രം. അനഘ നാരായണൻ, ലാൽ,ശ്രീരേഖ എന്നിവർ മറ്റു കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രം മുത്തയ്യ മുരളിയാണ് നിർമ്മിക്കുന്നത്. താരപുത്രനായതിന്റെ പേരിൽ സിനിമകൾ ആരും കൈയ്യിൽ കൊണ്ട് തന്നിട്ടില്ലെന്നും അച്ഛന്റെ പിന്തുണ പോലും സിനിമാ രം?ഗത്ത് പ്രവർത്തിക്കുന്നതിന് തനിക്കില്ലെന്നും അടുത്തിടെ ഒരു അഭിമുഖത്തിൽ നിരഞ്ജ് പറഞ്ഞിരുന്നു.