രാ​ജ്യ​ത്ത് പ​ണ ല​ഭ്യ​ത​യു​ടെ പ്ര​ശ്‌​ന​മി​ല്ല: നി​ര്‍​മ​ല സീ​താ​രാ​മ​ന്‍

ന്യൂ​ഡ​ല്‍​ഹി: രാജ്യത്തെ ഒരു ബാങ്കിനും പ​ണ ല​ഭ്യ​ത​യു​ടെ പ്ര​ശ്‌​നം ഇ​ല്ലെ​ന്ന് ധ​ന​കാ​ര്യ​മ​ന്ത്രി നി​ര്‍​മ​ല സീ​താ​രാ​മ​ന്‍. സാമ്പത്തികരംഗത്ത്‌ ഭയപ്പാടിന്‍റെ കാര്യമില്ലെന്നും ധ​ന​മ​ന്ത്രി പ​റ​ഞ്ഞു. രാ​ജ്യ​ത്ത് സ്വ​കാ​ര്യ ബാ​ങ്കു​ക​ളും ബാ​ങ്കിം​ഗ് ഇ​ത​ര ധ​ന​കാ​ര്യ​സ്ഥാ​പ​ന​ങ്ങ​ളും പ​ണ ല​ഭ്യ​ത​യു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ളൊ​ന്നും നേ​രി​ടു​ന്നി​ല്ലെ​ന്ന് ധ​ന​മ​ന്ത്രി പ​റ​ഞ്ഞു. ബാ​ങ്ക്, ബാ​ങ്കിം​ഗ് ഇ​ത​ര ധ​ന​കാ​ര്യ​സ്ഥാ​പ​ന​ങ്ങ​ള്‍ എ​ന്നി​വ​യു​ടെ പ്ര​തി​നി​ധി​ക​ളു​മാ​യു​ള്ള യോ​ഗ​ത്തി​നു ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​വ​ര്‍.

വായ്പ നല്‍കാന്‍ ബാങ്കുകളില്‍ ആവശ്യത്തിന് പണമുണ്ടെന്നും ധനമന്ത്രി പറഞ്ഞു. ചെറുകിട, ഭവന മേഖലകളില്‍ വായ്പകള്‍ക്ക് ആവശ്യക്കാര്‍ കുറഞ്ഞില്ലെന്നാണ് ബാങ്ക് മേധാവിമാര്‍ അറിയിച്ചതെന്നും നിര്‍മല സീതാരാമന്‍ പറഞ്ഞു. വാ​യ്പ​ക​ള്‍​ക്ക് സ്ഥി​ര​മാ​യ ഡി​മാ​ന്‍​ഡു​ണ്ട്. ജ​ന​സാ​ന്ദ്ര​ത​യു​ള്ള ഗ്രാ​മ​പ്ര​ദേ​ശ​ങ്ങ​ളി​ല്‍ സ്ഥി​തി ​ചെ​യ്യു​ന്ന പ​ല മൈ​ക്രോ ഫി​നാ​ന്‍​സ് ക​മ്ബ​നി​ക​ളും ആ​ളു​ക​ള്‍​ക്ക് വാ​യ്പ ന​ല്‍​കു​ന്ന​തി​ല്‍ ആ​ശ​ങ്ക ഉ​യ​ര്‍​ത്തി​യി​ട്ടി​ല്ല- അ​വ​ര്‍ പ​റ​ഞ്ഞു.

രാ​ജ്യ​ത്തെ നി​ര​വ​ധി മൈ​ക്രോ ഫി​നാ​ന്‍​സ് ക​മ്ബ​നി​ക​ളു​ടെ പ്ര​തി​നി​ധി​ക​ള്‍ ഇ​വി​ടെ എ​ത്തി​യി​രു​ന്നു. പ്ര​തി​സ​ന്ധി​യു​ള്ള​താ​യി ആ​രും പ​റ​ഞ്ഞി​ല്ല. മ​റി​ച്ച്‌ വ​ള​ര്‍​ച്ച​യു​ടെ ക​ഥ​ക​ള്‍ മാ​ത്ര​മാ​ണ് അ​വ​ര്‍​ക്ക് പ​റ​യാ​നു​ള്ള​ത്. ഭവന നിര്‍മ്മാണ വായ്പകള്‍ വലിയ ഡിമാന്‍ഡാണെന്നാണ് സ്വകാര്യ ബാങ്കുകള്‍ പറയുന്നതെന്നും നിര്‍മലാ സീതാരാമന്‍ പറഞ്ഞു.