ഉപ്പും മുളകിൽ എന്നോട് കൂടുതലിഷ്ടം മുടിയന്, അവൻ പോയപ്പോൾ വിഷമമായി- നിഷ സാരം​ഗ്

പ്രേക്ഷകരുടെ പ്രിയപ്പെട്ട നടിയാണ് നിഷ സാരംഗ്. നിരവധി ചിത്രങ്ങളിലും സീരിയലുകളിലും നിഷ അഭിനയിച്ചിട്ടുണ്ട്. മികച്ച ഒരു നർത്തകി കൂടിയാണ് നിഷ. എങ്കിലും നിഷ ഏറെ ശ്രദ്ധിക്കപ്പെട്ടത് ഉപ്പും മുളകും എന്ന പരമ്പരയിലൂടെ ആയിരുന്നു. പരമ്പരയിലെ നീലിമ എന്ന നീലു പ്രേക്ഷകരുടെ പ്രിയ താരമായി മാറി. ശ്യാമപ്രസാദിന്റെ അഗ്നിസാക്ഷി എന്ന ചിത്രത്തിലൂടെയാണ് നിഷ അഭിനയ രംഗത്ത് എത്തുന്നത്. ഉപ്പും മുളകും എന്ന പരമ്പരയെക്കുറിച്ച് നിഷ പറഞ്ഞ വാക്കുകളാണ് ശ്രദ്ധ നേടുന്നത്. ഉപ്പും മുളകിൽ മക്കളായി അഭിനയിക്കുന്നവർക്കെല്ലാം എന്നോട് ഭയങ്കര സ്നേഹമാണ്. ഞാൻ വിഷമിച്ചൊക്കെ ഇരിക്കുകയാണെങ്കിൽ വന്ന് ചോദിക്കും. മുടിയനും ലച്ചുവിനും കേശുവിനുമെല്ലാം എന്നോട് സ്നേഹമാണ്. പാറുവിന്റെ സ്നേഹം മാത്രം കുറച്ച് വ്യത്യാസമാണെന്നാണ് നിഷ പറയുന്നത്.

അഞ്ച് മക്കളിൽ എന്നോട് ഏറ്റവും അറ്റാച്ച്മെന്റുള്ളത് മുടിയനാണ്. എനിക്ക് അങ്ങനെയാണ് തോന്നിയിട്ടുള്ളത്. ഉപ്പും മുളകിൽ അമ്മ മോൻ എന്ന് പറഞ്ഞ് കാണിക്കുന്നത് കൊണ്ടാണെന്ന് തോന്നുന്നു എനിക്കും അത് ഫീൽ ചെയ്തതെന്നാണ് നിഷ പറയുന്നത്. ബിജുച്ചേട്ടൻ എന്നെ എന്തെങ്കിലും പറഞ്ഞാൽ അച്ഛാ എന്ന് പറഞ്ഞ് അവൻ ചാടിവീഴും. എന്തുവാടേ നീ എന്നെ കൊല്ലുമോ, നിന്റെ സ്വന്തം അമ്മയാണോ ഇതെന്ന് ചോദിച്ചാൽ ആ എന്റെ അമ്മയാണെന്നാണ് അവൻ പറയുകയെന്നും നിഷ പറയുന്നു.

അതേസമയം ഋഷി പരമ്പരയിൽ നിന്നും പോയതിൽ വിഷമമുണ്ടെന്നും നിഷ പറഞ്ഞു. അവൻ പോയതിൽ നല്ല വിഷമമുണ്ട്. എന്നാൽ പരമ്പരയിലേക്ക് മുടിയന്റെ തിരിച്ചുവരവ് ഉണ്ടാകുമോയെന്ന് ചോദിച്ചപ്പോൾ അറിയില്ലെന്നായിരുന്നു നിഷ നൽകിയ മറുപടി.ഇടയ്ക്ക് വെച്ച് ഉപ്പും മുളകും ഭയങ്കര സീരിയസായിരുന്നു. ഇപ്പോൾ വീണ്ടും പഴയത് പോലെയായെന്നും നിഷ അഭിപ്രായപ്പെടുന്നുണ്ട്. പഴയ കളിയും ചിരിയുമൊക്കെ ഇനി തിരിച്ചുവരുമെന്നും നിഷ പറയുന്നു.