കോഴിക്കോട്: താന് കാത്തിരുന്ന ആ കുഞ്ഞ് മാലാഖ ഭൂമിയില് എത്തുന്നതിന് മുമ്പ് ഭൂമിയില് നിന്നും നിതിന് വിടപറഞ്ഞിരുന്നു. ഏറെ ആഹ്ലാദത്തോടെ ആകാംഷയോടെ കുഞ്ഞിനായി കാത്തിരുന്ന നിതിന് ആ സന്തോഷ വാര്ത്ത കേള്ക്കാനായില്ല. മൂന്ന് ദിവസങ്ങള്ക്ക് മുമ്പാണ് നിതിന് ദുബായില് വെച്ച് ഉറക്കത്തിനിടെ ഹൃദയാഘാതം സംഭവിച്ച് മരിക്കുന്നത്. ഇന്നലെയാണ് നിതിന്റെ ഭാര്യ ആതിര പെണ്കുഞ്ഞിന് ജന്മം നല്കിയത്. കോഴിക്കോട്ടെ സ്വകാര്യ ആശുപത്രിയില് വെച്ച് സിസേറിയനിലൂടെയാണ് ആതിര കുഞ്ഞിന് ജന്മം നല്കിയത്. എന്നാല് കുഞ്ഞിനെ ഒരു നോക്ക് കാണാനാവാതെ ചലനമറ്റ ശരീരമായി നിതിന് ജന്മനാട്ടിലെത്തി. പ്രസവത്തെ തുടര്ന്ന് ആശുപത്രിയിലുള്ള ആതിരയുടെ അടുത്താണ് മൃതദേഹം ആദ്യം എത്തിക്കുക.
നിതിന്റെ മൃതദേഹം കൊച്ചിയില് എത്തിച്ചു. തുടര്ന്ന് ആംബുലന്സില് കോഴിക്കോട്ടേക്ക് കൊണ്ടുപോകും. സംസ്കാരം വൈകുന്നേരം പേരാമ്പ്രയില് നടക്കും. നിതിന് മരിച്ചത് അറിയാതെയാണ് ആതിരം കുഞ്ഞിന് ജന്മം നല്കിയത്. വിദേശത്ത് കുടുങ്ങിയ ഗര്ഭിണികളെ നാട്ടില് തിരികെ എത്തിക്കാന് സുപ്രീം കോടതിയെ വരെ സമീപിച്ചവരായിരുന്നു ആതിരയും നിതിനും.
അന്ന് നിതിന് ആതിരയ്ക്ക് ഒപ്പം നാട്ടില് എത്താമായിരുന്നു. എന്നാല് തന്നേക്കാള് അത്യാവശ്യമുള്ള ഒരാള്ക്കായി നിതിന് തന്റെ സീറ്റും ടിക്കറ്റും ഒഴിഞ്ഞു കൊടുത്തു. തുടര്ന്ന് ഈ മാസം ആതിരയുടെ പ്രസവ സമയത്ത് നാട്ടില് എത്താനുള്ള ഒരുക്കത്തിലായിരുന്നു നിതിന്. ഇതിനിടെയാണ് മരണം സംഭവിക്കുന്നത്.
ലോക്ക് ഡൗണില് വിദേശത്ത് കുടുങ്ങിയ ഗര്ഭിണികളെ നാട്ടിലെത്തിക്കണമെന്ന് ആവശ്യപ്പെട്ട് സുപ്രീം കോടതിയെ സമീപിച്ചതോടെയാണ് ആതിര ശ്രദ്ധേയയാവുന്നത്. നിതിന്റെ മരണവാര്ത്ത അറിഞ്ഞപ്പോഴെ ആതിരയെ പ്രസവത്തിന് മുമ്പുള്ള കോവിഡ് പരിശോധനയ്ക്ക് എന്ന പേരില് ആശുപത്രിയില് പ്രവേശിപ്പിച്ചു. ജൂലൈ ആദ്യവാരമാണു പ്രസവത്തീയതി കണക്കാക്കിയിരുന്നതെങ്കിലും ഭര്ത്താവിന്റെ മരണവിവരം അറിയിക്കുന്നതിനു മുന്പ് പ്രസവശസ്ത്രക്രിയ നടത്താന് തീരുമാനിക്കുകയായിരുന്നു. ഇന്നലെ രാവിലെ 11.40ന് ആതിര പെണ്കുഞ്ഞിനു ജന്മം നല്കി.
പത്തനംതിട്ട: കുവൈത്തിലെ തീപിടിത്തത്തില് മരിച്ച നാലു മലയാളികള്ക്ക് കൂടി നാടിന്റെ യാത്രാമൊഴി. കോട്ടയം, പത്തനംതിട്ട സ്വദേശികളുടെ മൃതദേഹങ്ങള് പൊതുദര്ശനത്തിനുശേഷം സംസ്കരിച്ചു.…
കൊല്ലം ചാത്തന്നൂരിൽ ദേശീയപാതയിൽ നിർത്തിയിട്ട കാറിന് തീ പിടിച്ച് ഡ്രൈവർ മരിച്ചു. ചാത്തന്നൂർ കാരംകോട് കുരിശിൻ മൂടിന് സമീപമാണ് കാർ…
തിരുവനന്തപുരം: ബാലരാമപുരത്ത് യുവാവിനെ കുത്തിക്കൊലപ്പെടുത്തി. ബാലരാമപുരം ആലുവിള സ്വദേശിയായ ബിജു (40) ആണ് കൊല്ലപ്പെട്ടത്. സംഭവത്തില് പ്രതിയെന്ന് സംശയിക്കുന്ന ബാലരാമപുരം…
കൊല്ലം ∙ വെളിനല്ലൂരിൽ തീറ്റയിൽ പൊറോട്ട അമിതമായി നൽകിയതിനെ തുടർന്ന് അഞ്ച് പശുക്കൾ ചത്തു. ഒൻപതെണ്ണം അവശനിലയിൽ. വെളിനല്ലൂർ വട്ടപ്പാറ…
പെട്രോൾ, ഡീസൽ വില യഥാക്രമം ലിറ്ററിന് 3 രൂപയും 3.02 രൂപയും വർധിപ്പിച്ച കർണാടകത്തിൽ ജനരോക്ഷം പൊട്ടിപുറപ്പെട്ടു. കോൺഗ്രസ് സർക്കാരിനെതിരെ…
ഇ.വി.എം ഹാക്ക് ചെയ്യാൻ സാധ്യത ഉണ്ട് എന്ന തരത്തിൽ എക്സ് മേധാവിയുടെ പ്രസ്താവനയും നോർത്ത് വെസ്റ്റ് ലോക്സഭാ സീറ്റിൽ ഇ.വി.എം…