ലൈംഗിക പീഡന പരാതി; നിവിന്‍ പോളി ചിത്രത്തിന്റെ സംവിധായകന്‍ കസ്റ്റഡിയില്‍

കണ്ണൂര്‍: ലൈംഗിക പീഡനക്കേസില്‍ സംവിധായകന്‍ ലിജു കൃഷ്ണനെ കൊച്ചി ഇന്‍ഫോപാര്‍ക്ക് പോലീസ് കസ്റ്റഡിയിലെടുത്തു. ചിത്രീകരണം നടന്നുകൊണ്ടിരിക്കുന്ന ‘പടവെട്ട്’ എന്ന ചിത്രത്തിന്‍റെ സംവിധായകനാണ് ലിജു കൃഷ്ണന്‍. കൊച്ചിയിലെ ഒരു യുവതിയുടെ പരാതിയുടെ അടിസ്ഥാനത്തിലാണ് നടപടി.

ലിജുവിനെ കൊച്ചിയിലെത്തിച്ച് ചോദ്യം ചെയ്യുമെന്നാണ് വിവരം. യുവതിയുടെ പരാതിയില്‍ അന്വേഷണം ഊര്‍ജിതമാക്കുമെന്ന് പോലീസ് അറിയിച്ചു.
നിവിന്‍ പോളിയെ നായകനാക്കിയാണ് ലിജു കൃഷ്ണന്‍ പടവെട്ട് സംവിധാനം ചെയ്യുന്നത്. കോവിഡ് കാലത്തിന് മുമ്പ് തുടങ്ങിയ ചിത്രീകരണം ഇപ്പോഴും പുരോഗമിക്കുകയാണ്.

ലിജു കൃഷ്ണന്റെ ആദ്യ ചിത്രമായ പടവെട്ടിന്റെ ഷൂട്ടിങ് കണ്ണൂരില്‍ പുരോഗമിക്കുകയാണ്. ഞായറാഴ്ച രാവിലെ ഷൂട്ടിങ് സ്ഥലത്തുനിന്നാണ് ഇയാളെ പോലീസ് കസ്റ്റഡിയിലെടുത്തത്. ആരോപണം ഉന്നയിച്ച യുവതി ചിത്രവുമായി ബന്ധപ്പെട്ട് പ്രവര്‍ത്തിച്ചിരുന്നു.