കൊച്ചി/ നടിയെ തട്ടിക്കൊണ്ടുപോയി പീഡിപ്പിച്ചെന്ന വിവാദമായ കേസില് ദിലീപ് സാക്ഷികളെ സ്വാധീനിക്കാന് ശ്രമിച്ചെന്ന ആരോപണത്തിന് തെളിവുകള് ഇല്ലെന്ന് വിചാരണക്കോടതി. ഇക്കാര്യത്തിൽ പ്രോസിക്യൂഷന് വേണ്ടത്ര തെളിവുകൾ ഹാജരാക്കാന് കഴിഞ്ഞിട്ടില്ലെന്ന് വിചാരണക്കോടതി പറഞ്ഞു. കേസില് വിചാരണക്കോടതിയെ ദിലീപ് സ്വാധീനിക്കാന് ശ്രമിച്ചെന്ന വാദം എന്ത് അടിസ്ഥാനത്തിലാണ് പ്രോസിക്യൂഷന് ഉന്നയിക്കുന്നതെന്നും ജഡ്ജി ഹണി എം വര്ഗീസ് ചോദിക്കുകയുണ്ടായി. ദിലീപിന്റെ ജാമ്യം റദ്ദാക്കാന് ആവശ്യപ്പെട്ടു പ്രോസിക്യൂഷന് സമര്പ്പിച്ച ഹര്ജി തള്ളിക്കൊണ്ടുള്ള വിധിന്യായത്തിലാണ് കോടതി നിലപാട് അറിയിച്ചത്.
പ്രോസിക്യൂഷന് ഉന്നയിച്ച ആരോപണത്തിന് തെളിവുകള് ഹാജരാക്കാന് കഴിഞ്ഞിട്ടില്ല. സാക്ഷികളായ വിപിന് ലാല്, ജിന്സണ്, സാഗര് വിന്സന്റ്, ശരത് ബാബു, ഡോ. ഹൈദരാലി, ദാസന് എന്നിവരെ ദിലീപ് സ്വാധീനിച്ചെന്നാണ് പ്രോസിക്യൂഷന് ആരോപിച്ചിരിക്കുന്നത്. വിപിന് ലാല്, ജിന്സണ് എന്നിവരുടെ കേസ് മറ്റൊരു ഹര്ജിയുടെ ഭാഗമായി പരിഗണിച്ചു തള്ളിയതാണെന്ന് കോടതി പറഞ്ഞു.
ദിലീപും കൂട്ടരും ഫോണുകള് മുംബൈയിലെ ലാബില് നല്കിയെന്ന ഒറ്റക്കാരണം കൊണ്ടു തെളിവ് നശിപ്പിച്ചുവെന്ന വാദം നിലനില്ക്കില്ലെന്നു കോടതി പറഞ്ഞു. തെളിവായി നല്കിയ ശബ്ദരേഖകള് ദിലീപിന്റെയും കൂട്ടരുടേതുമാണ്. മറ്റു തെളിവുകള് ഹാജരാക്കിയിട്ടില്ല. കൂറുമാറിയ 22 സാക്ഷികളില് 6 പേര് ദിലീപിന്റെ കുടുംബാംഗങ്ങളും 5 പേര് സിനിമാ മേഖലയിലുള്ളവരും ദിലീപിന്റെ സുഹൃത്തുക്കളുമാണ്.
വസ്തുതകള് മറച്ചുവയ്ക്കാന് പണം നല്കിയെന്ന് സാക്ഷിയായ സാഗര് വിന്സന്റിന്റെ മൊഴിയുണ്ട്. അതേസമയം, ഈ മൊഴികള് പൊലീസ് പീഡിപ്പിച്ചു പറയിച്ചതാണെന്ന് സാഗര് പിന്നീട് കോടതിയില് പറയുകയുണ്ടായി. ദിലീപിന്റെ സഹോദരീ ഭര്ത്താവ് സുരാജും സഹോദരന് അനൂപും ദിലീപിന്റെ ബന്ധുക്കളാണ്. അവര് ദിലീപിനെതിരെ മൊഴി നല്കില്ല. ദിലീപ് ഫോണുകളിലെ തെളിവുകള് നശിപ്പിച്ചെന്നു പറയുമ്പോള് ഈ തെളിവുകള് ഫോണില്നിന്നു കണ്ടെടുത്തെന്നു പ്രോസിക്യൂഷന് സമ്മതിക്കുകയും ചെയ്യുന്നു.
ദിലീപ് കോടതിയെ സ്വാധീനിക്കാന് ശ്രമിച്ചെന്ന ആരോപണത്തിന് തെളിവായി രണ്ട് ഓഡിയോ ക്ലിപ്പുകളാണ് പ്രോസിക്യൂഷന് ഹാജരാക്കിയത്. ദിലീപും അഭിഭാഷകനും തമ്മിലുള്ള സംഭാഷണത്തില് ‘അവരെ നമ്മള് പതിയെ വിശ്വസിപ്പിച്ചെടുക്കണം’ എന്നു പറയുന്നുണ്ട്. ഇതിലെ അവര് ആരാണെന്ന് വ്യക്തമല്ല. അതു ജുഡീഷ്യല് ഓഫിസറെയാണ് എന്നാണ് പ്രോസിക്യൂഷന്റെ നിഗമനം. എങ്ങനെയാണ് ഈ നിഗമനത്തില് എത്തിയത്. ‘അവര്’ എന്നു പറയുന്നതു ജുഡീഷ്യല് ഓഫിസറെയാ ണെന്നു കരുതിയാല് തന്നെ വിചാരണക്കോടതി ജഡ്ജിയെയാണെന്ന് എങ്ങനെ കൃത്യമായി പറയാനാകും. കോടതി ചോദിച്ചു.
പ്രണയത്തിൽ പെട്ട് മതം മാറുന്നവരിൽ കൂടുതലും പെൺകുട്ടികൾ ആണെന്ന് ജ്യോതിഷപണ്ഡിതൻ ഹരി. പത്തനാപുരം. ഞാൻ മതപരിവർത്തനത്തിന് തീർത്തും എതിരാണ്. ഒരു…
കോഴിക്കോട് : നാലുവയസ്സുകാരിക്ക് കൈവിരലിന് പകരം നാവില് ശസ്ത്രക്രിയ നടത്തിയ സംഭവത്തില് ഡോക്ടര്ക്ക് വീഴ്ച സംഭവിച്ചതായി അന്വേഷണ റിപ്പോര്ട്ട്. മെഡിക്കല്…
കോഴിക്കോട് : നവവധുവിന് മർദനമേറ്റ സംഭവത്തിൽ പ്രതി രാഹുലിന് ജർമൻ പൗരത്വമില്ലെന്ന് പൊലീസ്. ഇയാൾക്ക് ഇപ്പോഴും ഇന്ത്യൻ പാസ്പോർട്ട് തന്നെയാണുള്ളതെന്ന്…
മലയാള സിനിമയിൽ അടുത്ത ഒരു താര വിവാഹം കൂടി നടന്നിരിക്കുകയാണ്. നടൻ ഹക്കീം ഷാജഹാനും നടി സന അൾത്താഫും വിവാഹിതരായിരിക്കുകയാണ്.…
ന്യൂഡല്ഹി : വിമാനത്തിന്റെ എയര് കണ്ടീഷനിങ് (എ.സി.) യൂണിറ്റില് തീപ്പിടിത്തമുണ്ടായെന്ന സംശയത്തെ തുടര്ന്ന് തിരിച്ചിറക്കി. ഡല്ഹിയിലെ ഇന്ദിരാ ഗാന്ധി അന്താരാഷ്ട്ര…
ബിഗ് സ്ക്രീനിലൂടെയും മിനി സ്ക്രീനിലൂടെയും മലയാളി പ്രേക്ഷകര്ക്കേറെ സുപരിചിതയായ നടിയാണ് ശാന്തി വില്യംസ്. 12ാം വയസില് ബാലതാരമായി എത്തിയ സിനിമയിലേക്കെത്തിയ…