ഒളിച്ചോടിയതിന്റെ നാണക്കേടിൽ പഠനം നിർത്തി, 9 വർഷത്തിനുശേഷം സ്വപ്നം സാക്ഷാത്കരിച്ച് നോബിയുടെ ഭാര്യ

മിമിക്രിയിലൂടെയെത്തി പ്രേക്ഷക മനസിൽ ഇടം നേടിയ താരമാണ് നോബി. സ്‌കൂൾ കാലത്ത് മിമിക്രിയിലും കലാപരിപാടികളും സജീവമായിരുന്ന നോബി ഒരു ടിവി റിയാലിറ്റി ഷോയിലൂടെയാണ് മിനി സ്‌ക്രീനിലേക്കെത്തുന്നത്. അതിലൂടെ സിനിമയിലേക്കും എത്തിയ നോബി ഇപ്പോൾ സ്റ്റാർ മാജിക്കിൽ താരമാണ്. 2014 ഫെബ്രുവരിയിൽ ആണ് നോബിയുടെയും ആര്യയുടെയും രജിസ്റ്റർ വിവാഹം നടന്നത്. 2016 ൽ ധ്യാൻ ജീവിതത്തിലേക്ക് വന്നു. ഇപ്പോൾ സന്തുഷ്ട കുടുംബം നയിക്കുകയാണ് ഇരുവരും.

ഇപ്പോൾ ഭാര്യ ആര്യ എൽഎൽബി നേടിയതിനെ കുറിച്ച് താരം സോഷ്യൽ മീഡിയയിൽ പങ്കുവെച്ച വാർത്തയാണ് ശ്രദ്ധനേടുന്നത്. ‘നിന്റെ സ്വപ്നം നീ യാഥാർത്ഥ്യമാക്കി, അഭിനന്ദനങ്ങൾ അഡ്വക്കറ്റ് ആര്യ നോബി’, എന്നായിരുന്നു നോബിയുടെ പോസ്റ്റ്.

ആര്യ അഭിഭാഷകയായി എൻ റോൾ ചെയ്തതായി നോബി വെളിപ്പെടുത്തുന്നു. വിവാഹത്തോടെ ആര്യ നിയമ പഠനം നിർത്തിയിരുന്നു. ഇപ്പോൾ പഠനം പൂർത്തിയാക്കിയിരിക്കുകയാണ്. വീട്ടുകാരെ എതിർത്തുള്ള ഒരു വിവാഹമായിരുന്നു ഇരുവരുടേതും. ഭാര്യ പഠിച്ചിരുന്ന എൽഎൽബി കോളേജിൽ ഒരു പരിപാടി അവതരിപ്പിക്കാനായി എത്തിയതായിരുന്നു നോബി. തങ്ങൾ രണ്ടു പേരും രണ്ട് മത വിഭാഗങ്ങളിൽ പെടുന്നവരാണെന്നും അതായിരുന്നു തങ്ങളുടെ പ്രണയത്തിലെ വെല്ലുവിളിയെന്നും നോബി നേരത്തെ വ്യക്തമാക്കിയിരുന്നു.

‘വിവാഹം കഴിക്കുമ്പോൾ അവൾ മൂന്നാം വർഷ ബിരുദ വിദ്യാർത്ഥിനി ആയായിരുന്നു. ഒളിച്ചോടി കല്യാണം കഴിച്ചതിന്റെ നാണക്കേടിൽ ഭാര്യ പഠനം നിർത്തി. എന്തായാലും കുറച്ചുനാൾ കഴിഞ്ഞതോടെ ആര്യയുടെ മനസിൽ വീണ്ടും പഠിക്കാനുളള മോഹം ഉടലെടുക്കുക ആയിരുന്നു. ഇതോടെ വീണ്ടും പഠനം ആരംഭിച്ചു. പഠനം വീണ്ടും ഒന്നിൽ നിന്ന് തുടങ്ങുകയായിരുന്നു,’ നോബി പറയുന്നു.