പുതുപ്പള്ളി പള്ളിയിലെ പൊതു ദർശനം കഴിഞ്ഞു, വൈദികരുടെ നേതൃത്വത്തിൽ ശുശ്രൂഷകൾ ആരംഭിക്കുന്നു

കോട്ടയം: തൊണ്ടയിടറുന്ന മുദ്രാവാക്യം വിളികൾക്കിടയിലൂടെയും വിലാപഗാനത്തിന്റെ അകമ്പടിയോടെയും ഉമ്മൻചാണ്ടിയുടെ ഭൗതിക ശരീരം പുതുപ്പള്ളി പള്ളിയിലെ പൊതുദർശനം കഴിഞ്ഞ് വൈദികരുടെ നേതൃത്വത്തിൽ ശുശ്രൂഷകൾ ആരംഭിക്കുന്നു. ശുശ്രൂഷകളിൽ 20 ബിഷപ്പുമാരും നിരവധി വൈദികരുമാണ് പങ്കാളികളാകുക. അര മണിക്കൂർ ദൈർഘ്യമുള്ള ഈ ശുശ്രുഷയ്ക്ക് ശേഷമാകും പ്രത്യേകം തയ്യാർ ചെയ്ത കല്ലറയിൽ സംസ്കാരചടങ്ങുകൾ ആരംഭിക്കുക. പ്രിയപ്പെട്ട പള്ളിയിൽ അവസാന ശുശ്രൂഷകളിൽ നിശ്ചലനായി കുഞ്ഞൂഞ്ഞ്.

ഒരു രാത്രി മുഴുവൻ ഉറക്കമിളച്ച് കാത്തിരുന്ന് അന്തരിച്ച മുൻ മുഖ്യമന്ത്രി ഉമ്മൻ ചാണ്ടിക്ക് അന്ത്യാഞ്ജലി അർപ്പിച്ച് എൻ.സി.പി. സംസ്ഥാന പ്രസിഡന്റ് ശ്രീ.പി.സി. ചാക്കോ മന്ത്രി ഏ.കെ. ശശീന്ദ്രൻ ഉൾപ്പെടെ സംസ്ഥാന എൻ.സി.പി.നേതൃനിര കോട്ടയത്ത് .

ഒരു പകലും രാത്രിയും കോട്ടത്ത് ചെലവിട്ട എൻ.സി.പി. സംസ്ഥാന നേതാക്കൾ കോട്ടയം തിരുനക്കര മൈതാനത്ത് ഉമ്മൻ ചാണ്ടിയുടെ ഭൗതിക ശരീരത്തിൽ പുഷ്പ ചക്രം സമർപിച്ചു.

മുൻ മുഖ്യമന്ത്രി ഉമ്മൻചാണ്ടിയുടെ ഭൗതിക ശരീരത്തിൽ സംസ്ഥാന സർക്കാരിന് വേണ്ടി മന്ത്രിമാരായ വി.എൻ. വാസവൻ, സജി ചെറിയാൻ, കെ.എൻ. ബാലഗോപാൽ, റോഷി അഗസ്റ്റിൻ, പി. പ്രസാദ് എന്നിവർ ചേർന്ന് പുഷ്പചക്രം അർപ്പിക്കുന്നു.