കുടുംബവിളക്കിലെ പ്രതീഷിന്റെ വിവാഹം കഴിഞ്ഞോ?

കുടുംബ വിളക്ക് എന്ന പരമ്പരയിലൂടെ പ്രേക്ഷകരുടെ പ്രീയതാരമായി മാറിയ നൂബിൻ ജോണിയുടെ വിവാഹം കഴിഞ്ഞെതായി സൂചന. പ്രതീഷായെത്തുന്ന നൂബിൻ ജീവിത പങ്കാളിയ്ക്ക് ഒപ്പമുള്ള പുതിയ വീഡിയോ പങ്കുവച്ചതാണ് ആരാധകരെ സംശയത്തിനിടയാക്കിയത്.

ബീച്ചിൽ നിന്നുള്ള വീഡിയോയിൽ പെൺകുട്ടിയുടെ മുഖം കാണിയ്ക്കുന്നില്ല. എന്റെ അവസാന ദിവസം വരെയും നിന്നെ ഞാൻ പ്രണയിക്കും എന്ന ക്യാപ്ഷനോടെയാണ് വീഡിയോ പങ്കുവച്ചിരിയ്ക്കുന്നത്. വീഡിയോയ്‌ക്കൊപ്പം കൊടുത്തിരിയ്ക്കുന്ന ഹാഷ് ടാഗുകളാണ് സംശയത്തിന് കാരണം.

ലവ്വർ, ലൈഫ്, മൈ വൈഫ്, ഡോക്ടർ എന്നിങ്ങനെയാണ് ഹാഷ് ടാഗുകൾ. മൈ വൈഫ് എന്ന് പറഞ്ഞതാണ് സംശയത്തിനിടയാക്കിയത്.. കല്യാണം കഴിഞ്ഞോ, പ്രണയത്തിലാണ് എന്ന് മാത്രമല്ലേ പറഞ്ഞിരുന്നത് എന്നൊക്കെയാണ് ചിലരുടെ സംശയം. എന്നാൽ കല്യാണത്തിന്റെ ഫോട്ടോയൊന്നും പങ്കുവച്ചില്ലല്ലോ എന്ന് ചോദിക്കുന്നുവരും ഉണ്ട്.

കഴിഞ്ഞ വർഷമാണ് നൂബിൻ തന്റെ പ്രണയം പരസ്യപ്പെടുത്തിയത്. ആള് ഡോക്ടറാണ്. അഞ്ച് അഞ്ചര വർഷമായി പ്രണയത്തിലാണ്. വിവാഹം
ഒരു വർഷത്തിന് ശേഷം ഉണ്ടാവും’ എന്നാണ് നൂബിൻ അന്ന് പറഞ്ഞത്.

ഇടുക്കി മൂന്നാറാണ് നൂബിൻ ജോണിയുടെ സ്വദേശം.അച്ഛൻ അമ്മ ചേട്ടൻ ചേട്ടത്തി തുടങ്ങിയവരടങ്ങുന്നതാണ് നോബിന്റെ കുടുംബം. മോഡലിങ്ങിലൊക്കെ സജീവമായ താരം അതിലൂടെയാണ് അഭിനയത്തിലേക്കെത്തുന്നത്. കുട്ടിമാണി സീരയലിലൂടെയാണ് താരം അഭിനയം ആരംഭിക്കുന്നത്. ശ്രീജിത്ത് വിജയ്ക്കൊപ്പം സ്വാതി നക്ഷത്രം ചോതി എന്ന സീരിയലിലും അഭിനയിരുന്നു. നിരവധി ആരാധകരാണ് പ്രതീഷിനുള്ളത്.