മകൾക്ക് പിറന്നാളുമ്മയുമായി പക്രു, ആശംസകളുമായി ആരാധകർ

മകൾ ദീപ്ത കീർത്തിക്ക് ജൻമദിനാശംസകൾ നേർന്ന് ഗിന്നസ് പക്രു. മകൾക്കൊപ്പമുള്ള തന്റെ പുതിയ ചിത്രം പോസ്റ്റ് ചെയ്ത് ‘Happy birthday my pappeyyy’ എന്നാണ് പക്രു സോഷ്യൽ മീഡിയയിൽ കുറിച്ചിരിക്കുന്നത്. നിരവധിയാളുകളാണ് താരത്തിന്റെ പോസ്റ്റിനു താഴെ ദീപ്തയ്ക്ക് ആശംസകളുമായി എത്തുന്നത്.

പ്രതിസന്ധികളെയെല്ലാം നേരിട്ട് ഉയരങ്ങളിലെത്തിയ നടനാണ് ഗിന്നസ് പക്രു. അമ്പിളിയമ്മാവൻ എന്ന തന്റെ ആദ്യ ചിത്രത്തിലെ കഥാപാത്രത്തിന്റെ പക്രു എന്ന പേര് സ്വീകരിച്ചു കൊണ്ടാണ് അജയകുമാർ പ്രേക്ഷകർക്കിടയിലേക്ക് കടന്നു വരുന്നത്. ഒരു മുഴുനീള ചിത്രത്തിൽ പ്രധാന വേഷം ചെയ്ത ഏറ്റവും ഉയരം കുറഞ്ഞ നടൻ എന്ന ഗിന്നസ് റെക്കോർഡ് അജയകുമാറിന്റെ പേരിലുണ്ട്. അത്ഭുതദ്വീപ് എന്ന ചിത്രത്തിൽ ഒരു പ്രധാന വേഷമാണ് അജയ് ചെയ്തിരിക്കുന്നത്.

പക്രുവിന്റെ കുടുംബവും മലയാളികൾക്ക് പ്രിയപ്പെട്ടതാണ്. 2006ൽ ആണ് പക്രു ദീപ്തിയെ വിവാഹം ചെയ്യുന്നത്. ഇവരുടെ ഏക മകൾ ദീപ്ത കീർത്തിയും മലയാളികൾക്ക് സുപരിചിതരാണ്.

ഏകദേശം 14 വർഷത്തോളം വാടകവീടുകളിൽ താമസിച്ച ശേഷമാണ് തങ്ങൾക്ക് കോട്ടയത്ത് സ്വന്തമായി ഒരു വീട് കിട്ടുന്നതെന്ന് മറ്റൊരു അഭിമുഖത്തിൽ പക്രു പറഞ്ഞിരുന്നു. പിന്നീട് സിനിമയിൽ അഭിനയിച്ചു തുടങ്ങിയെങ്കിലും കൂടുതൽ അവസരങ്ങൾ ലഭിച്ചു തുടങ്ങി. സമ്പാദ്യമായി തുടങ്ങിയപ്പോൾ കോട്ടയത്തു മറ്റൊരു വീട് മേടിച്ചു. കുറെ വർഷങ്ങൾ കൂടി കഴിഞ്ഞശേഷം മീനച്ചിലാറിന്റെ തീരത്ത് മറ്റൊരു വീടും സ്ഥലവും മേടിച്ചു. പിന്നീട് താമസിച്ചിരുന്ന വീട് വാടകയ്ക്ക് കൊടുത്തു. അങ്ങനെ വർഷങ്ങളോളം വാടകക്കാരനായിരുന്ന താൻ വാടക മുതലാളിയായി എന്നും പക്രു പറഞ്ഞിട്ടുണ്ട്.