ചെയ്ഞ്ച് വേണമത്രെ ചെയ്ഞ്ച്, ​ഗർഭകാലത്തെ മറ്റൊരു നൃത്തം പങ്കുവെച്ച് പാർവതി

അഭിനേത്രിയായും മോഡലായും അവതാരകയായുമായും ശ്രദ്ധേയമായ താരമാണ് പാർവതി ആർ കൃഷ്ണ. മലയാളം സീരിയലുകളിലും ആൽബങ്ങളിലും ഹ്രസ്വചിത്രങ്ങളഇലും സജീവമാണ് പാർവതി. പത്തനംതിട്ട കോന്നി സ്വദേശിയായ താരം ഏതാനും സിനിമകളിലും അഭിനയിച്ചിട്ടുണ്ട്. അമ്മമാനസം ഈശ്വരൻ സാക്ഷി’ തുടങ്ങിയ പരമ്പരകളാണ് കുടുംബപ്രേക്ഷകർക്കിടയിൽ താരത്തെ ഏറെ സ്വീകാര്യയാക്കിയത്. ഗർഭകാലത്തെ വിശേഷങ്ങളെല്ലാം താരം ആരാധകരുമായി പങ്കുവെച്ചിരുന്നു. നിറവയറിലുള്ള നൃത്തമെല്ലാം വൈറലായിരുന്നു.കഴിഞ്ഞ ദിവസമാണ് താരം ആരോ​ഗ്യമുള്ള ആൺകുഞ്ഞിന് ജന്മം നൽകിയത്.

ഇപ്പോഴിതാ, പ്രസവത്തിനു മുൻപ് പകർത്തിയ മറ്റൊരു ഡാൻസ് വിഡിയോ കൂടി പാർവതി ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നു. ‘ചെയ്ഞ്ച് വേണമത്രെ ചെയ്ഞ്ച്’ എന്ന കുറിപ്പോടെയാണ് താരം വിഡിയോ പോസ്റ്റ് ചെയ്തിരിക്കുന്നത്. പ്രസവത്തിനായി ആശുപത്രിയിൽ പ്രവേശിക്കുന്നതിനു മുൻപ് എടുത്ത വിഡിയോ ആണ് ഇത്. ഭർത്താവ് ബാലുവും താരത്തിനൊപ്പം ഈ ഡ്യൂയറ്റ് ഗാനരംഗത്തിൽ ചുവട് വയ്ക്കുന്നു. ബേബി, ബേബി ബോയ്, ഹബി ലവ് ഉൾപ്പെടെ നിരവധി ഹാഷ്ടാഗുകളും പാർവതി വിഡിയോയ്ക്കൊപ്പം കുറിച്ചു.

നാലാം ക്ലാസ്സിൽ പഠിക്കുമ്പോഴാണ് ജയേഷ് പത്തനാപുരത്തിന്റെ സൂര്യനും സൂര്യകാന്തിയും എന്ന ടെലിഫിലിമിലൂടെ പാർവതി കൃഷ്ണ ആദ്യമായി അഭിനയം ആരംഭിച്ചത്. ശേഷം നിരവധി മ്യൂസിക് ആൽബങ്ങളിൽ അഭിനയിച്ചിരുന്നു.ഇൻസ്റ്റയിൽ ഒരു ലക്ഷത്തിലേറെ ഫോളോവേഴ്സാണ് താരത്തിനുള്ളത്. പലപ്പോഴും ഗ്ലാമർ ഹോട്ട് ചിത്രങ്ങൾ താരം ഇൻസ്റ്റയിൽ പങ്കുവയ്ക്കാറുണ്ട്. സംഗീത സംവിധായകനായ ബാലഗോപാലുമായിട്ടായിരുന്നു പാർവതിയുടെ വിവാഹം.