പ്രസവത്തിന് മണിക്കൂറുകൾ മുന്നെയുള്ള ഡാൻസിന്റെ വീഡിയോ പുറത്തുവിട്ട് പാർവതി

അഭിനേത്രിയായും മോഡലായും അവതാരകയായുമായും ശ്രദ്ധേയമായ താരമാണ് പാർവതി ആർ കൃഷ്ണ. മലയാളം സീരിയലുകളിലും ആൽബങ്ങളിലും ഹ്രസ്വചിത്രങ്ങളഇലും സജീവമാണ് പാർവതി. പത്തനംതിട്ട കോന്നി സ്വദേശിയായ താരം ഏതാനും സിനിമകളിലും അഭിനയിച്ചിട്ടുണ്ട്. അമ്മമാനസം ഈശ്വരൻ സാക്ഷി’ തുടങ്ങിയ പരമ്പരകളാണ് കുടുംബപ്രേക്ഷകർക്കിടയിൽ താരത്തെ ഏറെ സ്വീകാര്യയാക്കിയത്. ഗർഭകാലത്തെ വിശേഷങ്ങളെല്ലാം താരം ആരാധകരുമായി പങ്കുവെച്ചിരുന്നു. നിറവയറിലുള്ള നൃത്തമെല്ലാം വൈറലായിരുന്നു.

കഴിഞ്ഞ ദിവസമാണ് താരം ആരോ​ഗ്യമുള്ള ആൺകുഞ്ഞിന് ജന്മം നൽകിയത്. ഇപ്പോളിതാ പ്രസവത്തിന് മണിക്കൂറുകള്‍ മാത്രം ബാക്കി നില്‍ക്കുമ്പോള്‍ കളിച്ച ഡാന്‍സ് വീഡിയോ കൂടി പുറത്ത് വിട്ടിരിക്കുകയാണ്.പാര്‍വതി ഒരു അമ്മയാവുന്നതിന് തൊട്ട് മുന്‍പുള്ള ഡാന്‍സ്. പ്രസവത്തിന് 24 മണിക്കൂര്‍ മുന്‍പുള്ളതാണ്. എന്നെ സംബന്ധിച്ചിടത്തോളം മാനസിക പിരിമുറുക്കം കുറയ്ക്കാന്‍ സാഹയിക്കുന്ന ഒന്നാണിത്. ദൈവത്തിന്റെ അനുഗ്രഹവും മറ്റുള്ള എല്ലാവരുടെയും പ്രാര്‍ഥനകള്‍ കൊണ്ടും എല്ലാ കാര്യവും നല്ല രീതിയില്‍ തന്നെ നടന്നു. ഇപ്പോള്‍ ഞാന്‍ സന്തോഷവതിയായൊരു അമ്മയാണെന്ന് താരം സോഷ്യൽ മീഡിയയിൽ കുറിച്ചു

നാലാം ക്ലാസ്സിൽ പഠിക്കുമ്പോഴാണ് ജയേഷ് പത്തനാപുരത്തിന്റെ സൂര്യനും സൂര്യകാന്തിയും എന്ന ടെലിഫിലിമിലൂടെ പാർവതി കൃഷ്ണ ആദ്യമായി അഭിനയം ആരംഭിച്ചത്. ശേഷം നിരവധി മ്യൂസിക് ആൽബങ്ങളിൽ അഭിനയിച്ചിരുന്നു.ഇൻസ്റ്റയിൽ ഒരു ലക്ഷത്തിലേറെ ഫോളോവേഴ്സാണ് താരത്തിനുള്ളത്. പലപ്പോഴും ഗ്ലാമർ ഹോട്ട് ചിത്രങ്ങൾ താരം ഇൻസ്റ്റയിൽ പങ്കുവയ്ക്കാറുണ്ട്. സംഗീത സംവിധായകനായ ബാലഗോപാലുമായിട്ടായിരുന്നു പാർവതിയുടെ വിവാഹം.