കുഞ്ഞ് മുഹമ്മദിനെ സഹായിച്ചതിന് സന്തോഷമറിയിച്ച് പാര്‍വ്വതി, ഈ ലോകത്ത് നന്മയുണ്ടെന്ന് താരം

കണ്ണൂരില്‍ അപൂര്‍വ്വ രോഗം ബാധിച്ച് ചികിത്സയിലായ അഫ്രക്കും സഹോദരന്‍ ഒന്നരവയസ്സുകാരന്‍ മുഹമ്മദിനും ചികിത്സയ്ക്കാവശ്യമായ 18 കോടി രൂപയും ലഭിച്ച സംഭവത്തില്‍ പ്രതികരണമറിയിച്ച് നടി പാര്‍വ്വതി തിരുവോത്ത്. ഈ ലോകത്ത് നന്മയുണ്ട് എന്നാണ് പാര്‍വ്വതി വാര്‍ത്ത പങ്കുവെച്ച് ഇന്‍സ്റ്റഗ്രാം സ്റ്റോറിയില്‍ പങ്കുവെച്ചത്.

‘ഈ ലോകത്ത് നന്മയുണ്ട്. ലോകത്ത് തീര്‍ച്ചയായും നന്മയുണ്ട്. തന്നാല്‍ കഴിയുന്ന സഹായം ചെയ്ത എല്ലാവരോടും ഒരുപാട് സ്നേഹം അറിയിക്കുന്നു’ എന്നാണ് താരം ഇന്‍സ്റ്റഗ്രാമില്‍ പോസ്റ്റ് ചെയ്തത്

ഇന്നലെ ഉച്ചയോടെ നാല് കോടി രൂപ കൂടി വേണമെന്ന് റിപ്പോര്‍ട്ടുകള്‍ പുറത്തുവന്നിരുന്നു. അത് അതിവേഗം ലഭ്യമാവുകയും ചെയ്തു. കഴിഞ്ഞ ആറ് ദിവസമായി കേരളം ഒന്നാകെ കൈകോര്‍ത്തതിന്റെ ഭാഗമായിട്ടാണ് ലോകത്തിന്റെ വിവിധ ഭാഗങ്ങളില്‍ നിന്ന് സഹായം മുഹമ്മദിനേയും കുടുംബത്തേയും തേടിയെത്തിയത്.