വർക്കൗട്ട് ചിത്രങ്ങളുമായി റിമിയും പാർവതിയും

മലയാളികളുടെ പ്രീയപ്പെട്ട രണ്ട് നായികമാരാണ് റിമ കല്ലിങ്കലും പാർവതി തിരുവോത്തും. ഇരുവരും സോഷ്യൽ മീഡിയയിൽ സജീവമാണ്. ഇരുവരും ഒരേ ട്രെയ്‌നറുടെ അടുത്താണ് വ്യായാമ മുറകൾ പരിശീലിക്കുന്നത്. ‘ഭീഗരൻ’ എന്ന പേരിൽ സോഷ്യൽ മീഡിയയിൽ സജീവമാണ് ഇദ്ദേഹം ഇപ്പോൾ സോഷ്യൽ മീഡയയിൽ വൈറലാകുന്നത് ഇവരുടെ വർക്കൗട്ട് ഫോട്ടോകളാണ്.

ചുമരിൽ ചാരി, കാലുകൾ നിലത്തുറപ്പിച്ച് കസേരയിൽ എന്നപോലെ ഇരുന്നു ഡംബ്ബെൽസ് ഉയർത്തുന്ന വീഡിയോ പാർവതി ഇൻസ്റ്റഗ്രാം സ്റ്റോറിൽ പോസ്റ്റ് ചെയ്‌തു. പാർവതിയും റിമയും വെവ്വേറെ പോസ്റ്റുകളിൽ തങ്ങളുടെ വർക്ക്ഔട്ട് വിവരിക്കാറുണ്ട്. ആദ്യമായാണ് രണ്ടുപേരും ഒന്നിച്ചെത്തുന്നത്

സിദ്ധാർത്ഥ ശിവ സംവിധാനം ചെയ്ത ‘വർത്തമാനം’ ആണ് പാർവതി തിരുവോത്ത് നായികയായി തിയറ്ററുകളിലെത്തിയ പുതിയ സിനിമ. സാനു ജോൺ വർഗീസ് സംവിധാനം ചെയ്യുന്ന ‘ആർക്കറിയാം’ എന്ന സിനിമയിലും പാർവതിയാണ് കേന്ദ്രകഥാപാത്രം. മമ്മൂട്ടിക്കൊപ്പം ‘പുഴു’ എന്ന ചിത്രത്തിലും പാർവതി അഭിനയിക്കുന്നുണ്ട്. പാർവതിയും മമ്മൂട്ടിയും ആദ്യമായി ഒന്നിച്ചെത്തുന്ന ചിത്രവുമാണ് രതീന സംവിധാനം ചെയ്യുന്ന പുഴു.

2009-ൽ പുറത്തിറങ്ങിയ ഋതു എന്ന ശ്യാമപ്രസാദ് ചിത്രമാണ് റിമയുടെ ആദ്യ ചിത്രം. പിന്നീട് അതേ വർഷം തന്നെ ലാൽ ജോസിന്റെ നീലത്താമര എന്ന ചിത്രത്തിലും റിമ ശ്രദ്ധേയമായ വേഷം ചെയ്യുകയുണ്ടായി. നിദ്ര, 22 ഫീമെയിൽ കോട്ടയം എന്നീ ചിത്രങ്ങളിലെ അഭിനയത്തിന് മികച്ച നടിക്കുള്ള 2012-ലെ കേരളസംസ്ഥാന ചലച്ചിത്രപുരസ്കാരം ഇവർക്കു ലഭിച്ചു