ചേട്ടായിയെ പോലെ ഒരു മോനെ കിട്ടിയതിൽ അമ്മച്ചി എന്തോ പുണ്യം ചെയ്തിട്ടുണ്ട്- രശ്മി

പാഷാണം ഷാജി എന്ന മിമിക്രി കഥാപാത്രത്തിലൂടെയാണ് സാജു നവോദയ എന്ന കലാകാരൻ ശ്രദ്ധിക്കപ്പെട്ടത്. പാഷാണം ഷാജിയുടെ യഥാർത്ഥ പേര് സാജു എന്നാണെന്ന് ഇപ്പോഴും പലർക്കുമറിയില്ല. ഷാജി എന്ന് വിളിക്കുന്നതാണ് സാജുവിനും ഇപ്പോൾ ഇഷ്ടം. മിമിക്രി ഷോയിലൂടെ വന്ന് വെള്ളിമൂങ്ങ എന്ന ചിത്രത്തിലൂടെ ബിഗ് സ്‌ക്രീനിലെത്തിയ പാഷാണം ഷാജി ഇതിനോടകം സൂപ്പർതാരങ്ങൾക്കൊപ്പവും യുവതാരങ്ങൾക്കൊപ്പവും അഭിനയിച്ചു കഴിഞ്ഞു.

ഇപ്പോളിതാ സീ കേരളത്തിലെ പുതിയ റിയാലിറ്റി ഷോയിലൂടെ ഒരുമിച്ചെത്തുകയാണ് ഷാജിയും ഭാര്യയും. രശ്മി അമ്മയെക്കുറിച്ച് പറഞ്ഞ് പൊട്ടിക്കരയുന്ന സീൻ വൈറലായിരുന്നു. ചേട്ടായിയോട് എനിക്ക് ഒരുപാട് ഒരുപാട് നന്ദി പറയാനുണ്ട്. വേറൊന്നുമല്ല അമ്മയ്ക്ക് വയ്യാണ്ടിരുന്ന സമയത്ത് ഏട്ടൻ ചെയ്തുകൊടുത്ത കാര്യങ്ങൾ. ചുമ ആയിട്ടാണ് തുടക്കം ഡോക്ടറിന്റെ അടുത്ത് പോകാൻ പറഞ്ഞാൽ പോകില്ലായിരുന്നു. അപ്പോഴൊക്കെ ഞാൻ അമ്മയോട് ദേഷ്യപെടുമായിരുന്നു. അപ്പോഴൊക്കെ ചേട്ടായി എന്നോട് പറഞ്ഞിട്ടുണ്ട് അമ്മയോട് ദേഷ്യപെടുരുത് എന്ന്. അമ്മയുടെ വേദന കാണുമ്പോഴാണ് ഞാൻ അമ്മയോട് ദേഷ്യപ്പെട്ടിട്ടുള്ളത്.

ആ സമയത്തൊക്കെ ചേട്ടായി എന്നെ വഴക്ക് പറഞ്ഞിട്ടുണ്ട്. പിന്നെ ഒരു ഒക്ടോബർ പത്തിനാണ് അമ്മയുടെ അസുഖം നമ്മൾ അറിയുന്നത്. ഒരു സർജറിക്ക് പോയപ്പോഴാണ് അമ്മയ്ക്ക് ക്യാൻസർ ആണെന്ന് അറിഞ്ഞത്. ആ സമയത്ത് ചേട്ടായി എന്നെ ദുബായിൽ കൊണ്ടുപോകാൻ വേണ്ടി ഇരിക്കുകയായിരുന്നു. ഒരുപാട് അഗ്രഹിച്ചിരുന്ന സമയത്തായിരുന്നു അത്.

അമ്മയുടെ റിസൾട്ട് വന്നപ്പോൾ അമ്മയോട് പറയാൻ എനിക്ക് ആകില്ല. ഓപ്പയ്ക്കും പറയാൻ ആകാതെ നിന്നപ്പോൾ ഏട്ടനാണ് അമ്മയോട് കാര്യങ്ങൾ പറയുന്നത്. അപ്പോൾ ചേട്ടായിക്ക് ഉണ്ടായ മാനസിക ബുദ്ധിമുട്ട് പല പ്രാവശ്യം ചേട്ടായി പറഞ്ഞിട്ടുണ്ട്. അന്ന് മുതൽ അല്ലെങ്കിൽ അതിനു മുമ്പുതൊട്ടേ അമ്മയുടെ എല്ലാ കാര്യങ്ങളും ചേട്ടായി തന്നെയാണ് നോക്കിയിരുന്നത്. ഫോർത്ത് സ്റ്റേജ് ആയിരുന്നുവെന്നും അമ്മച്ചിയുടെ ദിവസങ്ങൾ എണ്ണപ്പെട്ടുകഴിഞ്ഞെന്നും എനിക്ക് അറിയില്ലായിരുന്നു

എന്റെ അമ്മ ഒരിക്കലും പ്രതീക്ഷിച്ചിട്ടുണ്ടാകില്ല ഇതൊന്നും. ഏറ്റവും നല്ല ഹോസ്പിറ്റൽ ഏറ്റവും നല്ല മുറിയിൽ ആണ് അമ്മയെ ചേട്ടായി നോക്കിയത്. ചേട്ടായെ പോലെ ഒരു മോനെ കിട്ടിയതിൽ അമ്മച്ചി എന്തോ പുണ്യം ചെയ്തിട്ടുണ്ട് എന്ന് പലപ്പോഴും എനിക്ക് തോന്നിയിട്ടുണ്ട്. ആ സമയത്ത് കിട്ടിയ പ്രോഗ്രാം പോലും വേണ്ടെന്നു വച്ചല്ലേ ഏട്ടൻ അമ്മയെ നോക്കിയത് എന്ന് രശ്മി പറയുമ്പോൾ നിന്റെ അമ്മ, എന്റെ അമ്മ കൂടി അല്ലെ എന്ന മറുപടിയാണ് ഷാജി നൽകിയത്.