നിറവയറിൽ ചുംബനം നൽകി, ശ്രീനീഷ് പേളിയുടെ ചെല്ലക്കണ്ണൻ എത്തി

ഏറെ ആരാധകരുള്ള താരദമ്പതികളാണ് പേളിയും ശ്രീനിഷും.നടിയും അവതാരകയുമാണ് പേളി മാണി. ബിഗ്‌ബോസ് മലയാളം സീസണ്‍ ഒന്നിലെ മത്സരാര്‍ത്ഥിയുമായിരുന്നു നടി. ഇതേ ഷോയിലെ മറ്റൊരു മത്സരാര്‍ത്ഥിയായ ശ്രീനിഷ് അരവിന്ദുമായി ഷോയ്ക്ക് ഇടെ പേളി പ്രണയത്തിലായി. ഷോ അവസാനിച്ച ശേഷം ഇരുവരും വിവാഹിതര്‍ ആവുകയും ചെയ്തു. ഇപ്പോള്‍ ജീവിതത്തിലേക്ക് പുതിയ അതിഥിക്കായുള്ള കാത്തിരിപ്പിലാണ് പേളിയും ശ്രീനിഷും.അമ്മയാകാൻ തയ്യാറെടുക്കുന്ന പേളിയുടെ ചെറിയ വിശേഷങ്ങൾ പോലും പ്രേക്ഷകരുടെ ഇടയിൽ വലിയ ചർച്ച വിഷയമാണ്.

ഇപ്പോൾ സോഷ്യൽ മീഡിയയിൽ വൈറലാകുന്നത് ഇവരു‌െ മറ്റൊരു വിശേഷമാണ്. ലോക്ക് ഡൗൺ കാലത്ത് മലയാളി പ്രേക്ഷകരുടെ ഇടയിൽ ഏറ്റവും കൂടുതൽ ചർച്ചയായ വെബ് സീരീസായിരുന്നു പേളീഷ്. പേളിയും ശ്രീനീഷും പ്രധാന വേഷത്തിലെത്തിയ സീരീസ് ലോക്ക് ഡൗൺ പശ്ചാത്തലത്തിലുള്ള ഒരു പ്രണയകഥയായിരുന്നു.

എൻ ചെല്ലക്കണ്ണനെ എന്ന് തുടങ്ങുന്ന ഗാനം പേളിയുടെ യുട്യൂബ് ചാനലിലൂടെയാണ് റിലീസ് ചെയ്തിരിക്കുന്നത്. ഗാനം തയ്യാറാക്കിയിരിക്കുന്നതും ആലപിച്ചിരിക്കുന്നതും പേളി തന്നെയാണ്. കടലിന്റെ പശ്ചാത്തലത്തിലാണ് വീഡിയോ ചിത്രീകരിച്ചിരിക്കുന്നത്. ഗാനത്തിന് മികച്ച പ്രേക്ഷക സ്വീകാര്യതയാണ് ലഭിച്ചിരിക്കുന്നത്. നിമിഷം നേരം കൊണ്ട് തന്നെ മികച്ച കാഴ്ചക്കാരെ നേടാൻ സാധിച്ചിട്ടുണ്ട്. വീഡിയോ സംവിധാനം ചെയ്തിരിക്കുന്നതും പേളി തന്നെയാണ്.എൻ ചെല്ലക്കുട്ടിയേ… എന്ന് തുടങ്ങുന്ന ഗാനം സോഷ്യൽ മീഡിയയിൽ തരംഗമായിരുന്നു.