വാവ ഇടയ്ക്കിടെ ചെറുതായിട്ട് അനങ്ങി ഹായ് ഒക്കെ പറയാറുണ്ട്, പേളി പറയുന്നു

മലയാളികളുടെ പ്രിയപ്പെട്ട അവതാരകയും നടിയുമാണ് പേളി മാണി.നിരവധി ആരാധകരുള്ള താരം ബിഗ്‌ബോസ് സീസണ്‍ ഒന്നിലെ മത്സരാര്‍ത്ഥി ആയിരുന്നു.മറ്റൊരു മത്സരാര്‍ത്ഥിയായ സ്രീനിഷുമായി ഷോയില്‍ വെച്ചു തന്നെ പേളി അടുപ്പത്തിലാവുകയും പ്രണയത്തിലാവുകയും ചെയ്തു.ഇരുവരും ഷോയില്‍ നിന്ന് പുറത്തായതിന് ശേഷം വിവാഹിതര്‍ ആവുകയും ചെയ്തു.ഇപ്പോള്‍ ആദ്യ കണ്‍മണിക്കായുള്ള കാത്തിരിപ്പിലാണ് പേളിയും ശ്ലീനിഷും.ഗര്‍ഭകാലത്തെ ഓരോ വിശേഷങ്ങളും പേളി പങ്കു വെയ്ക്കാറുമുണ്ട്.ഇപ്പോള്‍ അഞ്ചാം മാസമായതോടെ കുട്ടിയുടെ അനക്കം അറിഞ്ഞു തുടങ്ങിയെന്നാണ് പേളി സോഷ്യല്‍ മീഡിയ കുറിപ്പിലൂടെ പറയുന്നത്.

അഞ്ചാം മാസത്തെ അറിയിപ്പ്.ആദ്യത്തെ മൂന്ന് മാസമായിരുന്നു കുറച്ച് ബുദ്ധിമുട്ട്.എനിക്ക് ഭയങ്കര ഛര്‍ദ്ദിയും?ഗര്‍ഭകാല അസ്വസ്ഥതകളും ഏറെയായിരുന്നു.അതുകഴിഞ്ഞുള്ള നാളുകള്‍ ഇതുവരെ വളരെ രസകരമാണ്.വളരെയധികം ഉന്മേഷം തോന്നുന്നു.എനിക്ക് പാചകം ഇഷ്ടമാണ്,ക്ലീനിങ്,ഡ്രൈവിങ് ഒക്കെ ഇഷ്ടമാണ്.വാവ ഇടയ്ക്കിടെ ചെറുതായിട്ട് അനങ്ങി ഹായ് ഒക്കെ പറയാറുണ്ട്.അതുകൊണ്ട് ഇപ്പോള്‍ ഞാന്‍ കുഞ്ഞുമായി കുറച്ചുകൂടി അടുത്തു.ഇപ്പോ ഞാന്‍ പാട്ടൊക്കെ പാടും, പാട്ട് കേള്‍ക്കും ചെറിയ പ്രാര്‍ത്ഥനകള്‍ പറഞ്ഞുകൊടുക്കും.

എന്റെ കൈ എപ്പോഴും ഈ കുട്ടിവയറിലാണ് വിശ്രമിക്കുന്നത്,എന്നിലെ മാതൃത്വം ഉണര്‍ന്നിട്ടുണ്ട് അതുകൊണ്ട് കുഞ്ഞ് എപ്പോഴും സേഫ് ആയിരിക്കണമെന്നാണ് ഇപ്പോഴത്തെ ചിന്ത.ഇപ്പോഴത്തെ എന്റെ മാനസികാവസ്ഥ എല്ലാവരോടും പങ്കുവയ്ക്കണമെന്ന് തോന്നി അതോടൊപ്പം ഈ ലോകത്തിലേക്ക് പുതിയ അതിഥിയെ കൊണ്ടുവരാന്‍ എടുത്ത തീരുമാനത്തില്‍ ഞങ്ങള്‍ എത്രമാത്രം ഭാഗ്യം ചെയ്തവരാണെന്നും നിങ്ങളോട് പറയണമെന്ന് തോന്നി’,-പേളി കുറിച്ചു.