എല്ലാ ഫോട്ടോയിലും എന്താ ഇങ്ങനെ താങ്ങി പിടിച്ചിരിക്കുന്നത്? കമന്റിന് കിടിലൻ മറുപടി നൽകി പേളി

മലയാളികളുടെ പ്രിയപ്പെട്ട അവതാരകയും നടിയുമാണ് പേളിമാണി. ബിഗ് ബോസ് മലയാളം സീസൺ ഒന്നിലെ മത്സരാർത്ഥി ആയിരുന്നു പേളി. ഷോയ്ക്ക് ഇടെ മറ്റൊരു മത്സരാർത്ഥിയായ ശ്രീനിഷ് അരവിന്ദുമായി പേളി പ്രണയത്തിൽ ആവുകയായിരുന്നു. ഷോയ്ക്ക് ശേഷം ഇരുവരും വിവാഹിതർ ആവുകയും ചെയ്തു. ഇപ്പോൾ ജീവിതത്തിലേക്ക് പുതിയ അതിഥി എത്തുന്നതിന്റെ സന്തോഷത്തിലാണ് ഇരുവരും. ഗർഭകാലത്തെ ഓരോ വിശേഷങ്ങളും പേളി സോഷ്യൽ മീഡിയകളിലൂടെ ആരാധകരുമായി പങ്കു വെയ്ക്കാറുണ്ട്.

പേളി സോഷ്യൽ മീഡിയയിൽ പങ്കുവെയ്ക്കുന്ന ചിത്രങ്ങളും കുറിപ്പുകളും ഏറെ ശ്രദ്ധേയമാകാറുണ്ട്. തന്റെ ഇഷ്ട ഭക്ഷണം, ഫോട്ടോ ഷൂട്ട്., കുടുംബ സംഗമം എന്നിങ്ങനെ പല സംഭവങ്ങളും പേളി സോഷ്യൽ മീഡിയകളിലൂടെ പങ്കുവെയ്ക്കാറുണ്ട്. ചിലർ നെ​ഗറ്റീവ് കമന്റുകളും നൽകാറുണ്ട്.

ഇപ്പോഴിതാ ഒരു യുവാവ് നൽകിയ കമെന്റിനോട് പ്രതികരിച്ചിരിക്കുകയാണ് താരം. എല്ലാ ഫോട്ടോയിലും എന്താ ഇങ്ങനെ താങ്ങി പിടിച്ചിരിക്കുന്നത്? വീണുപോകുമെന്ന് മനോരമ പറഞ്ഞോ ചേച്ചി എന്നാണ് യുവാവ് ചോദിച്ചിരിക്കുന്നത്. ഇതിന്റെ സ്ക്രീൻ ഷോട്ട് പങ്കുവച്ചാണ് പേളിയുടെ പ്രതികരണം. എനിക്ക് ഈ യുവാവിനോട് ദേഷ്യം ഒന്നും ഇല്ല. പക്ഷെ എന്റെ സ്ഥാനത്ത് നിങ്ങൾ ആയിരുന്നെങ്കിൽ എങ്ങനെ പ്രതികരിച്ചേനെ എന്നാണ് പേളി ചോദിച്ചത്. എന്നാൽ ശേഷം ആ പോസ്റ്റ് പേർളി പിൻവലിക്കുകയും, കുഴപ്പം ഇല്ല ഞാൻ അത് വിട്ടു എന്ന് മറ്റൊരു പോസ്റ്റ് ഇടുകയും ചെയ്തു. നിരവധി പേരാണ് താരത്തിന്റെ പിന്തുണച്ച്‌ കൊണ്ട് എത്തിയത്.