പെൻഷൻ കൂട്ടാൻ സെക്രട്ടറിയേറ്റിനു മുന്നിൽ സത്യാ​ഗ്രഹം സംഘടിപ്പിച്ച് കെ.എസ്.എസ്.പി.യു

തിരുവനന്തപുരം. പെൻഷൻ പരിഷ്കരണം ഉടൻ നടപ്പാക്കണം എന്ന ആവശ്യമുന്നയിച്ച് സെക്രട്ടറിയേറ്റിനു മുന്നിൽ സത്യാ​ഗ്രഹം സംഘടിപ്പിച്ച് കേരള സ്റ്റേറ്റ് സർവീസ് പെൻഷനേഴ്സ് യൂണിയൻ.സംസ്ഥാന കമ്മിറ്റി അം​ഗങ്ങളുടെ നേതൃത്വത്തിലായിരുന്നു യോ​ഗം.

പെൻഷൻ പരിഷ്കരണ, ക്ഷാമാശ്വാസ കുടിശിക ഉടൻ അനുവദിക്കുക, ക്ഷാമാശ്വാസ ​ഗഡുക്കൾ അനുവദിക്കുക, ശമ്പള/ പെൻഷൻ പരിഷ്കരണ നടപടികൾ ആരംഭിക്കുക, പിഎഫ് ആർടിഒ നിയമം റദ്ദ് ചെയ്യുക, സ്റ്റാറ്റ്യൂട്ടറി പെൻഷൻ പുന:സ്ഥാപിക്കുക, മെഡിക്കൽ അലവൻസ് വർദ്ധിപ്പിക്കുക ,കേന്ദ്രസർക്കാരിന് കേരളത്തോടുള്ള അവഗണന അവസാനിപ്പിക്കുക എന്നീ ആവശ്യങ്ങൾ ഉന്നയിച്ചായിരുന്നു സത്യാ​ഗ്രഹം.

സെക്രട്ടറിയേറ്റിനു മുന്നിൽ നടന്ന സമരപരിപാടിയിൽ നിരവധിപേർ പങ്കെടുത്തു. ജില്ലാ തലസ്ഥാനങ്ങളിലും ഇത്തരത്തിൽപ്രതിഷേധ യോ​ഗങ്ങൾ സംഘടിപ്പിക്കുമെന്നും, ആവശ്യങ്ങൾ നേടിയെടുക്കാൻ മറ്റൊരു സംഘടനയ്ക്കും കാഴ്ചവെയ്ക്കാൻ കഴിയാത്ത സംഘടനയുടെ ശാക്തികബലം വിളിച്ചോതുന്ന സമരമുറയാണ് പിൻതുടരുന്നത്. സത്യാ​ഗ്രഹ സമരമാണ്. ധാർമികമായ സമരമാണ്. ഉന്നയിച്ച ആവശ്യങ്ങളെല്ലാംതന്നെ ന്യായമായുളളതാണെന്നും കെ.എസ്.എസ്.പി.യു പറഞ്ഞു