ഇൻഷൂറൻസ് ഇല്ലാത്ത പോലീസ് വാഹനം ജനം പിടികൂടി, പോലീസ് വണ്ടി പരിശോധിക്കാൻ ജനത്തിനു അധികാരമുണ്ട്

അടിമാലി ഇരുമ്പ് പാലത്തിനടുത് അൻസലിന് നേരിടേണ്ടി വന്നത് ഹൈവേ പോലീസിന്റെ ഗുണ്ടായിസമായിരുന്നു. പോലീസ് വണ്ടി പിടിച്ച് നിർത്തി നിയമ ലംഘനം യുവാവ് ചൂണ്ടിക്കാട്ടിയപ്പോൾ തനി നിറം കാട്ടി പോലീസ്. ഇങ്ങ് മാറി നിക്കടാ… നിയാരടാ.. വാടാ പോടാ വിളി നിരോധിച്ചിട്ടും അത് ഇപ്പോഴും വാലായി പോലീസ് ഒരു അലങ്കാരത്തിനു ഉപയോഗിക്കുകയാണ്‌. നിയമം നടപ്പാക്കാൻ ഇറങ്ങുന്ന മാന്യന്മാർ പോയി ആദ്യം നിയമം അനുസരിക്കട്ടേ. പോലീസ് തന്നെ നിയമം ലംഘിക്കുന്ന നാട്ടിൽ അരാജകത്വവും നിയമ വാഴ്ച്ചയും കലാപവും കലഹവും ഉണ്ടാകും.

പോലീസ് വാഹനങ്ങൾക്ക് ഇൻഷുറൻസ് ഇല്ലാത്തതും ബുക്കും പേപ്പറും വാഹനത്തിൽ കരുതാത്തതും ഗുരുതരമായ കുറ്റമാണ്‌. ഏതൊരു പൗരനും വിവരാവകാശ നിയമ പ്രകാരം പോലീസ് വാഹനങ്ങളുടെ ബുക്കും പേപ്പറും, രേഖകളും ചോദിക്കാൻ അവകാശവും അധികാരവും ഉണ്ട്. പോലീസ് അത് കാണിച്ചേ മതിയാകൂ. ഇന്നു മുതൽ എല്ലാ പൗരന്മാരും പോലീസ് വണ്ടിയുടെ രേഖകൾ കൂടി ആവശ്യപ്പെടുക തന്നെ വേണം. നിയമം അവരെ ഇത്തരത്തി അനുസരിപ്പിക്കാൻ ഓർമ്മിപ്പിക്കുന്ന പൊതു ജന ഇടപെടൽ തന്നെയാണ്‌ നിയമം നിലനില്ക്കുന്ന സമൂഹത്തിൽ നിന്നും ഉയരേണ്ടത്

എറണാകുളത്തേക്ക് യാത്ര പോയ യുവാവ് ഫോണിൽ മാപ്പ് വെച്ച് പോകവേ ഫോൺ നോക്കിയതിനു ഹൈവേ പോലീസ് പിടിച്ചു. ജസ്റ്റ്‌ മാപ്പ് നോക്കാൻ വേണ്ടി ഫോണെടുത്ത അൻസലിനോട് 2000 രൂപ ഫൈൻ അടക്കാൻ ആവശ്യപ്പെട്ടു. ഇല്ലെങ്കിൽ കോടതി കയറ്റുമെന്ന് ഭീഷണിയും. പിന്നീട് യുവാവിന്റെ അഡ്രസ് എഴുതി വാങ്ങി. ഹൈവേ പോലീസിന്റെ വാഹനം പരിശോധിച്ചപ്പോൾ മാർച്ച്‌ 7ന് ഇൻഷുറൻസ് കാലാവധി കഴിഞ്ഞ വാഹനമാണത്. എടത്തല പോലീസ് സ്റ്റേഷനിലെ ഹൈവേ പോലീസിന്റെ ഇന്നോവ കാർ. ഇൻഷുറൻസ് കഴിഞ്ഞത് യാതൊരു പ്രശ്നവുമില്ലെന്നാണ് അൻസലിനോട് പോലീസ് പറഞ്ഞത്. ഈ അവസ്ഥ വീഡിയോ എടുത്ത അൻസലിനെ പോലീസുകാർ കഴുത്തിനു പിടിച്ചു, മാറിലും പിടിച്ചു വീഡിയോ ഡിലീറ്റ് ചെയ്യിപ്പിച്ചു.