പിഎഫ്ഐയുടെ മിന്നൽ ഹർത്താൽ; 53 ബസുകൾക്ക് നേരെ ആക്രമണം ഉണ്ടായി, 5.83 കോടി രൂപയുദേ നാശനഷ്ടമെന്ന് കെ.എസ്.ആർ.ടി.സി.

കൊച്ചി: കഴിഞ്ഞ സെപ്റ്റംബർ 23-ന് പിഎഫ്ഐ നടത്തിയ മിന്നൽ ഹർത്താലിൽ 5.83 കോടി രൂപയുടെ നഷ്ടം ഉണ്ടായതായും നഷ്ടപരിഹാരം അനുവദിക്കണമെന്നും ആവശ്യപ്പെട്ട് കെ.എസ്.ആർ.ടി.സി. ക്ലെയിംസ് കമ്മിഷണർ മുമ്പാകെ ക്ലെയിംസ് പെറ്റീഷൻ ഫയൽ ചെയ്തു. റിട്ട. ജില്ലാ ജഡ്ജി പി.ഡി. ശാർങ്ധരനാണ് ക്ലെയിംസ് കമ്മിഷണർ.

53 ബസുകൾക്ക് ഹർത്താൽ ആക്രമണത്തിൽ കേടുപാടുകൾ ഉണ്ടായി. ഇതിൽ ഒരോ ബസിനുമുണ്ടായ നാശനഷ്ടം പ്രത്യേകം പരിശോധിച്ചായിരിക്കും ക്ലെയിംസ് കമ്മിഷണറുടെ തീരുമാനം. കഴിഞ്ഞ ഫ്രെബുവരി മുന്നുമുതലാണ് സിറ്റിങ് ആരംഭിച്ചത്. നാശനഷ്ടം പോപ്പുലർ ഫ്രണ്ട് ഭാരവാഹികളിൽനിന്ന് ഇടാക്കാനുള്ള ഹൈക്കോടതി ഉത്തരവ് . ഇതേ തുടർന്ന് ഭാരവാഹികളുടെ സ്വത്ത് സർക്കാർ ജപ്തിചെയ്തിരുന്നു.

അതേസമയം ഹർത്താൽ നേരിടാൻ പോലീസിനെ വിനിയോഗിച്ചതിനുണ്ടായ ചെലവ് അറിയിക്കണമെന്നാവശ്യപ്പെട്ട് സംസ്ഥാന പോലീസ് മേധാവിക്ക് ക്ലെയിംസ് കമ്മിഷണർ നോട്ടീസ് അയച്ചു. ഹർത്താൽ നേരിടാൻ പോലീസിന് ചെലവായ തുക പോപ്പുലർ ഫ്രണ്ട് ഭാരവാഹികളിൽനിന്ന് ഈടാക്കും.
പൊതുമുതൽ നശിപ്പിക്കുന്നവർക്കെതിരെയുള്ള ശക്തമായ താക്കീതാണിത്.