പ്രധാനമന്ത്രി നരേന്ദ്ര മോദി വീണ്ടും കേരളത്തിലേക്ക്, തെരഞ്ഞെടുപ്പ് പ്രചാരണം കൊഴുക്കും

തിരുവനന്തപുരം : ചിരഞ്ഞെടുപ്പ് പ്രചാരണത്തിന് പ്രധാനമന്ത്രി നരേന്ദ്ര മോദി വീണ്ടും കേരളത്തിലെത്തുമെന്ന് സൂചന. എൻഡിഎ സ്ഥാനാർത്ഥികളുടെ തെരഞ്ഞെടുപ്പ് പ്രചരണത്തിനായാണ് അദ്ദേ​ഹം കേരളത്തിലെത്തുന്നത്. തിരുവനന്തപുരം, തൃശൂർ, കോഴിക്കോട് മണ്ഡലങ്ങളിലെ സ്ഥാനാർത്ഥികളുടെ പ്രചരണത്തിന് വേണ്ടിയാകും മോദി എത്തുന്നത്.

ഈ മാസം അവസാനമോ ഏപ്രിൽ ആദ്യവാരമോ പ്രധാനമന്ത്രി എത്തുമെന്നാണ് വിവരം. തുടരെ തുടരെ പ്രധാനമന്ത്രി കേരളത്തിൽ എത്തുന്നത് അണികളിൽ വലിയ ആവേശമാണ് പകരുന്നത്. അടുത്തിടെയായി അഞ്ച് തവണ അദ്ദേ​ഹം കേരളത്തിലെത്തിയിരുന്നു. ഓരോ തവണയും ലക്ഷക്കണക്കിന് പേരാണ് പ്രധാനമന്ത്രിയുടെ പരിപാടിയിൽ പങ്കെടുക്കാനെത്തിയത്.

തൃശൂർ, എറണാകുളം, തിരുവനന്തപുരം, പത്തനംതിട്ട, പാലക്കാട് എന്നീ ജില്ലകളിലായിരുന്നു അദ്ദേ​ഹം എത്തിയത്. പ്രധാനമന്ത്രിയുടെ ഈ സന്ദർശനം കേരളത്തിലെ ഭരണ പ്രതിപക്ഷ പാർട്ടികളെ ചെറുതായൊന്നുമല്ല അസ്വസ്ഥരാക്കുന്നത്.