അമ്മാവൻ പീഡിപ്പിച്ചെന്ന് പറഞ്ഞ ആറ് വയസുകാരിയെ അമ്മ ചട്ടുകം വച്ച് പൊള്ളിച്ചു; പോലീസ് കേസെടുത്തു

മൂന്നാർ : പിഞ്ചുകുഞ്ഞിനെ അമ്മാവൻ പീഡിപ്പിച്ചെന്ന് പരാതി. പീഡന വിവരം ആറ് വയസുകാരി അമ്മയോട് പറഞ്ഞപ്പോൾ തന്നെ ക്രൂരമായി മർദ്ദിച്ചുവെന്ന് കുട്ടി മൊഴി നൽകി. മൂന്നാറിലാണ് സംഭവം

കുട്ടിയുടെ മാതൃസഹോദരൻ പ്രായപൂർത്തിയാകാത്ത ആളാണ് . ഇയാളാണ് ആറ് വയസുകാരിയെ പീഡിപ്പിച്ചത്. എന്നാൽ ഈ വിവരം പുറത്തുപറഞ്ഞതോടെ അമ്മ ചട്ടുകം പഴുപ്പിച്ച് കുട്ടിയുടെ ദേഹത്ത് പൊള്ളൽ ഏൽപ്പിച്ചു.

കുട്ടിയുടെ മൊഴിയുടെ അടിസ്ഥാനത്തിൽ അമ്മയുടെ അറസ്റ്റ് രേഖപ്പെടുത്താനാണ് നീക്കം. പീഡന വിവരം അറിഞ്ഞിട്ടും മറച്ചുവെച്ചതിന് അമ്മയ്‌ക്കെതിരെ പോക്‌സോ വകുപ്പ് പ്രകാരം കേസെടുത്തു. പ്രായപൂർത്തിയാകാത്ത മാതൃസഹോദരനെ ജുവനൈൽ ജസ്റ്റിസ് ബോർഡിന് മുൻപിൽ ഹാജരാക്കും.