ആലപ്പുഴ: പോപ്പുലര് ഫ്രണ്ട് നടത്തിയ ബഹുജന റാലിയില് പ്രായപൂര്ത്തിയാവാത്ത കുട്ടി പ്രകോപനപരമായ മുദ്രാവാക്യം വിളിച്ചെന്ന കേസില് ഒന്നാം പ്രതി പോപ്പുലര് ഫ്രണ്ട് ജില്ലാ പ്രസിഡന്റ് നവാസ് വണ്ടാനം. രണ്ടാം പ്രതി പോപ്പുലര് ഫ്രണ്ട് ആലപ്പുഴ ജില്ലാ സെക്രട്ടറി മുജീബാണ്. മുദ്രാവാക്യം വിളിച്ച കുട്ടിയെ ചുമലിലേറ്റിയയാളെ പോലീസ് കസ്റ്റഡിയില് എടുത്തു. കോട്ടയം ഈരാറ്റുപേട്ട സ്വദേശി അന്സാര് നജീബിനെയാണ് ഇന്നലെ രാത്രിയോടെ പൊലീസ് പിടികൂടിയത്.
കുട്ടിയെ ആലപ്പുഴയിലെത്തിച്ചത് അന്സാര് നജീബായിരുന്നു. റാലിയിലെ മുദ്രാവാക്യത്തിനെതിരെ അഭിഭാഷക പരിഷത് നല്കിയ പരാതിയിലാണ് പൊലീസ് കേസെടുത്തിരിക്കുന്നത്. ഐ.പി.സി 153 അ വകുപ്പ് പ്രകാരം മതസ്പര്ധ വളര്ത്തുന്ന വിധം മുദ്രാവാക്യം വിളിച്ചതിനാണ് ആലപ്പുഴ സൗത്ത് പൊലീസ് കേസെടുത്തത്. അതേസമയം, പൊലീസ് നടപടിയില് പ്രതിഷേധിച്ച് ഇന്നലെ രാത്രി ഈരാറ്റുപേട്ടയില് പോപ്പുലര് ഫ്രണ്ട് പ്രവര്ത്തകര് പ്രതിഷേധ പ്രകടനം നടത്തി.
കഴിഞ്ഞ ശനിയാഴ്ചയായിരുന്നു സംഭവമുണ്ടായത്. ആലപ്പുഴയില് ആയിരക്കണതക്കിന് ആളുകള് പങ്കെടുത്ത പോപ്പുലര് ഫ്രണ്ടിന്റെ പ്രകടനത്തില് ഒരാളുടെ തോളത്തിരുന്ന് ഒരു ചെറിയ കുട്ടി പ്രകോപനപരമായി മുദ്രാവാക്യം വിളിക്കുന്ന ദൃശ്യങ്ങള് സോഷ്യല് മീഡിയയില് പ്രചരിക്കുകയായിരുന്നു. വിവിധ മത വിഭാഗങ്ങളെ വെല്ലുവിളിക്കുന്ന തരത്തിലായിരുന്നു മുദ്രാവാക്യം. ‘അരിയും മലരും കുന്തിരിക്കവും വാങ്ങി വെച്ചോളൂ നിന്റെയൊക്കെ കാലന്മാര് വരുന്നുണ്ട്’ എന്നായിരുന്നു പത്ത് വയസ്സ് പ്രായം തോന്നിക്കുന്ന കുട്ടിയുടെ മുദ്രാവാക്യങ്ങള്.
അതേസമയം, പ്രകടനത്തില് കുട്ടി മുദ്രാവാക്യം വിളിച്ച കാര്യം സ്ഥിരീകരിച്ച് പോപ്പുലര് ഫ്രണ്ട് രംഗത്ത് വന്നിരുന്നു. എന്നാല് വിളിച്ചത് തങ്ങളുടെ സംഘടന അംഗീകരിച്ച മുദ്രാവാക്യമല്ലെന്നായിരുന്നു നേതാക്കളുടെ വിശദീകരണം. സംഭവം ശ്രദ്ധയില് പെട്ടിട്ടുണ്ടെന്നും വേണ്ട തിരുത്തല് നടപടികള് സ്വീകരിക്കുമെന്നും പോപ്പുലര് ഫ്രണ്ട് സംസ്ഥാന സെക്രട്ടറി സി.എ റൗഫ് പ്രസ്താവനയില് പറഞ്ഞു.
ബസിൽ നിന്ന് വിദ്യാർഥിനികളോട് മോശമായരീതിയിൽ പെരുമാറിയെന്ന പരാതിയിൽ വനം വകുപ്പ് ഉദ്യോഗസ്ഥനെ പോലീസ് അറസ്റ്റുചെയ്തു. കാളികാവ് വനം റേഞ്ചിന് കീഴിലെ…
ഉത്തര്പ്രദേശിലെ ഹത്രാസിൽ ഭോലെ ബാബയെ കാണാന് തിക്കും തിരക്കും കൂട്ടി മരിച്ചവരുടെ എണ്ണം ഉയരുന്നു. 116 പേര് മരിച്ചെന്നാണ് ഔദ്യോഗിക…
തിരുപ്പതി വെങ്കടാചലപതി ക്ഷേത്രത്തിൽ ദർശനം നടത്തി നടി രചന നാരയണൻകുട്ടി തന്റെ തല മുണ്ഡനം ചെയ്തിരുന്നു. ക്ഷേത്രത്തിനു മുന്നിൽ നിന്നുള്ള…
ആലപ്പുഴ: മാന്നാർ കൊലപാതക കേസിൽ പൊലീസ് കസ്റ്റഡിയിലുള്ള അഞ്ചുപേരുടെയും അറസ്റ്റ് ഇന്ന് രേഖപ്പെടുത്തും. കൊല്ലപ്പെട്ട കലയുടെ ഭർത്താവ് അനിൽകുമാറിന്റെ ബന്ധുക്കളും…
തിരുവനന്തപുരം: സംസ്ഥാനത്ത് വടക്കൻ ജില്ലകളിലെ ഒറ്റപ്പെട്ട പ്രദേശങ്ങളിൽ ഇന്ന് ശക്തമായ മഴയ്ക്ക് സാധ്യത. കേരള തീരം മുതൽ മഹാരാഷ്ട്ര തീരം…
ജാമ്യം ഇല്ലാ പീഢന കേസിൽ ഷാനവാസ് ഖാന് മുൻകൂർ ജാമ്യം നല്കിയ വാർത്ത വന്നപ്പോൾ ഇരയായ യുവ അഭിഭാഷകക്ക് അബോർഷൻ.…