കൊടുംതണുപ്പില്‍ ഉപേക്ഷിക്കപ്പെട്ട നവജാതശിശുവിന് മുലയൂട്ടി രക്ഷിച്ച് പോലീസുദ്യോഗസ്ഥന്റെ ഭാര്യ

ഉപേക്ഷിക്കപ്പെട്ട നിലയില്‍ കണ്ടെത്തിയ നവജാതശിശുവിന് മുലയൂട്ടി പോലീസുകാരന്റെ ഭാര്യ. ഗ്രേറ്റര്‍ നോയ്ഡയില്‍ ആണ് സംഭവം. എസ്.എച്ച്.ഒ. വിനോദ് സിങ്ങിന്റെ ഭാര്യ ജ്യോതി സിങ്ങാണ് കുഞ്ഞിന് മുലപ്പാല്‍ നല്‍കി ജീവൻ രക്ഷിച്ചത്.

ഡിസംബര്‍ 20നു നോളജ് പാര്‍ക്കിനു സമീപത്തെ കുറ്റിക്കാട്ടില്‍നിന്ന് തുണിയില്‍ പൊതിഞ്ഞ നിലയിൽ നവജാതശിശുവിനെ കണ്ടെത്തുകയായിരുന്നു. തണുപ്പ് മൂലം കുഞ്ഞിന്റെ അവസ്ഥ വളരെ മോശമായ നിലയിലായിരുന്നു. സ്ഥലത്തെത്തിയ പോലീസ് കുഞ്ഞിനെ സ്റ്റേഷനിലേക്ക് കൂട്ടി പോവുകയായിരുന്നു.

വിശപ്പും കൊടും തണുപ്പും മൂലം കുഞ്ഞ് നിര്‍ത്താതെ കരഞ്ഞു കൊണ്ടേയിരിക്കു കയായിരുന്നു. ഈ സമയത്ത് കുഞ്ഞിനു പാലു നല്‍കാന്‍ ജ്യോതി സന്നദ്ധയറിയുക്കു കയായിരുന്നു. തുടര്‍ന്ന് കുഞ്ഞിനെ ആശുപത്രിയിൽ പ്രവേശിപ്പിച്ചു. കുട്ടിയുടെ നില തൃപ്തികരമാണെന്നും അധികൃതർ അറിയിച്ചു. ഉപേക്ഷിച്ചുപോയ മാതാപിതാക്കളെ കുറിച്ച് ഇതുവരെ പോലീസിന് വിവരമൊന്നും കിട്ടിയിട്ടില്ല.