അവളെ എവിടെവച്ച് കണ്ടാലും ഞാന്‍ അടിക്കും, നയന്‍താരയ്ക്ക് എതിരെ പ്രഭുദേവയുടെ ആദ്യഭാര്യ റംലത്ത്

മലയാളിയാണെങ്കിലും തെന്നിന്ത്യയിലെ സൂപ്പര്‍ സ്റ്റാറാണ് നയന്‍താര. തമിഴ് ചിത്രങ്ങളില്‍ നടന്മാര്‍ക്ക് ഒപ്പമുള്ള താരമൂല്യം നേടിയെടുത്ത നടിയുമാണ് നയന്‍സ്. സോഷ്യല്‍ മീഡിയകളില്‍ നടി അത്ര സജീവമല്ല. നിരവധി ആരാധകരാണ് താരത്തിനുള്ളത്. തെന്നിന്ത്യയില്‍ വന്‍ വളര്‍ച്ച നേടിയപ്പോഴും വിവാദങ്ങളും നടിയെ പിന്തുടര്‍ന്നു. നടന്‍ ചിമ്പുവുമായുണ്ടായ പ്രണയവും വേര്‍പിരിയലും ഒക്കെ നയന്‍താരയെ ഗോസിപ്പ് കോളങ്ങളില്‍ എത്തിച്ചു. പിന്നീട് നടനും സംവിധായകനുമായ പ്രഭുദേവയുമായുള്ള പ്രണയം വിവാഹത്തിന് അടുത്ത് വരെ എത്തിയിരുന്നു. എന്നാല്‍ ഇരുവരും പിന്നീട് പിരിഞ്ഞു.

സിനിമ ലോകത്ത് വലിയ ചര്‍ച്ചയായിരുന്നു നയന്‍താരയും പ്രഭുദേവയും തമ്മിലുള്ള പ്രണയം. ഈ സമയം പ്രഭുദേവ വിവാഹിതനും രണ്ട് കുട്ടികളുടെ അച്ഛനുമായിരുന്നു. അതിനാല്‍ തന്നെ ഈ പ്രണയം വലിയ വിവാദങ്ങളില്‍ പെടുകയും ചെയ്തു. പ്രണയം ഗോസിപ്പ് എന്ന് പറഞ്ഞെങ്കിലും ഇരുവരും പല വേദികളിലും ഒരുമിച്ച് എത്തുകയും താമസം ഒരുമിച്ച് ആക്കുകയും ചെയ്തതോടെ പ്രണയം സിനിമലോകത്ത് സ്ഥിരീകരിച്ചു.

പിന്നീട് ഭാര്യയെ ഒഴിവാക്കാന്‍ പ്രഭുദേവ പല നീക്കങ്ങള്‍ നടത്തി. പക്ഷേ കല്യാണത്തിന്റെ വക്കില്‍ വച്ച് ഇരുവരും വേര്‍പിരിയുകയായിരുന്നു. എല്ലാവരെയും ഞെട്ടിച്ചു കൊണ്ടാണ് ഈ വേര്‍പിരിഞ്ഞ വാര്‍ത്ത പ്രചരിച്ചത്. അതിന്റെ കാരണം വ്യക്തമല്ല.ലഎന്നാല്‍ ഇപ്പോള്‍ നയന്‍താരക്കെതിരെ രംഗത്ത് എത്തിയിരിക്കുകയാണ് പ്രഭുദേവയുടെ മുന്‍ഭാര്യ റംലത്ത് ലത.

റംലത്ത് പറയുന്നതിങ്ങനെയാണ്, നയന്‍താര ഏറ്റവും മോശപ്പെട്ട സ്ത്രീയാണ്. എന്റെ ഭര്‍ത്താവിനെ ഏതോ ബ്ലാക്ക് മാജിക്കിലൂടെ വശീകരിച്ച് എടുത്തതാണ്. കാരണം എന്നോടും എന്റെ മക്കളോടും അദ്ദേഹത്തിന് വലിയ സ്‌നേഹമായിരുന്നു. ഞങ്ങള്‍ക്ക് വേണ്ടി ഒരു വീടുവരെ വാങ്ങിച്ചിരുന്നു. അതിനിടയിലാണ് നയന്‍താര അദ്ദേഹത്തെ മയക്കി എടുക്കുന്നത്. അതുകൊണ്ട് അവളെ എവിടെവച്ച് കണ്ടാലും ഞാന്‍ അടിക്കും. റംലത്ത് പറയുന്നു.